Life Lessons from Struggles: కష్టంలో కూడా సుఖం వెతుక్కోవడం అంటే ఇదే..

దశరథ మహారాజు గురించి రామాయణం చదివిన ప్రతి ఒక్కరికి తెలుసు. శ్రీరామచంద్రమూర్తి తండ్రి అయిన ఈయనకు.. ఒక ఋషి శాపం పెడతాడు. అదేంటంటే ‘నీకు పుత్రశోకం కలుగుగాక..’అని అంటాడు. అంటే నీకు జన్మించే కుమారుడు వల్ల ఎంతో బాధ పడతావు అని చెప్పి వెళ్తాడు. ఆ ఋషి అలా శాపం ఇవ్వగానే దశరథ మహారాజు ఎంతో సంతోషంగా ఉంటాడు. దీంతో చుట్టుపక్కల వారు ఆశ్చర్యపోతారు. కృషి శాపం పెడితే బాధపడాలి గాని.. ఇలా ఎందుకు సంతోషంగా ఉన్నారు? అని అడుగుతారు. దీంతో దశరథ మహారాజు ఇలా చెబుతాడు..పుత్రశోకం కలగాలంటే పుత్రుడు జన్మించాలి కదా.. అని అంటాడు. అంటే పుత్రుడు కావాలని కోరుకుంటున్న తనకు పరోక్షంగా పుత్రుడు జన్మించే అవకాశం కలిగిందని సంతోషంగా ఉంటాడు.

అంటే ఈ స్టోరీలో దశరథ మహారాజు దుఃఖాన్ని చూడకుండా కేవలం సంతోషాన్ని మాత్రమే గ్రహించాడు. అలాగే మనుషుల్లో కూడా కష్టం వచ్చినప్పుడు అందులో ఉండే విజయం ఏంటి అనేది వెతుక్కోవాలి. కష్టం ఎవరికైనా కలుగుతుంది.. కానీ కొందరు మాత్రమే దాని నుంచి బయటపడుతున్నారు. అందుకు వారు చేసే గట్టి ప్రయత్నమే అని గుర్తించాలి. అంటే ఒక కష్టం వెనుక ఏదో సంతోషం దాగుంది అన్న విషయాన్ని గ్రహించాలి. అలా గ్రహించకుండా కష్టాన్ని తలుచుకుంటూ బాధపడితే ఎలాంటి ఫలితం ఉండదు.

జీవితం అన్నాక ఎన్నో ఒడిదుడుకులు ఎదురవుతూ ఉంటాయి. వీటి నుంచి బయటపడడానికి కొందరు తీవ్రంగా కష్టపడాల్సి వస్తుంది. మరికొందరికి పెద్దగా సమస్య అనిపించదు. అయితే ఇలాంటి సమయంలో చేసే పనులు నిబద్ధతతో చేయడం వల్ల న్యాయం అనుకోకుండా జరిగే అవకాశం ఉంటుంది. అంటే కష్టంలో కూడా కొందరు తప్పుడు పనులు చేయడానికి ప్రయత్నిస్తారు. అంటే కష్టం నుంచి బయటపడడానికి ఏదో రకంగా మరో తప్పు చేస్తారు. అలా చేయడం వల్ల నిత్యం కష్టాల్లో కూరుకుపోయే అవకాశం ఉంటుంది. అలా కాకుండా న్యాయమైన పనులు చేయడం వల్ల ఒకసారి కష్టం జరిగినా మరోసారి జరగకుండా ఉంటుంది.

Also Read: మార్కెట్లో తోపులమని ఫీలవుతున్న ఆపిల్ కు షాక్.. శామ్‌సంగ్ కొత్త ఫోల్డబుల్ ఫోన్లు తెచ్చేసింది

ఇక నేటి కాలంలో యూత్ చిన్న విషయానికే పెద్దగా ఐరానా పడిపోతున్నారు. అయితే తమ స్థాయికి మించి కష్టాలు వచ్చినప్పుడు ఇతరులను ఆశ్రయించాలి. తల్లిదండ్రులతో తమకున్న సమస్యను చర్చించుకోవాలి. లేదా స్నేహితులు తెలిసిన వారితో తమకున్న కష్టాన్ని చెప్పడం వల్ల పరిష్కారం దొరికే అవకాశం ఉంటుంది.