Johnny Master vs Shekar Master : చిన్న హీరోల దగ్గర నుండి సూపర్ స్టార్స్ వరకు ప్రతీ ఒక్కరికి ఇప్పుడు జానీ మాస్టర్, శేఖర్ మాస్టర్ లు కావాలి. ఒకప్పుడు ఇండియన్ సినిమా ఇండస్ట్రీ లో లారెన్స్ , ప్రభుదేవా మాస్టర్స్ కి ఏ రేంజ్ డిమాండ్ ఉండేదో , ఇప్పుడు వీళ్లిద్దరికీ ఆ రేంజ్ డిమాండ్ ఉంది. ఇలాంటి డిమాండ్ ఉన్న కొరియోగ్రాఫర్స్ మధ్య కోల్డ్ వార్ బలంగా ఉంటుందని అందరూ అనుకుంటూ ఉంటారు. కానీ వీళ్లిద్దరు ఇన్నాళ్లు అలా లేరు , చాలా స్నేహం గా ఉండేవారు, కలిసి షోస్ లో కూడా పాల్గొనేవారు. కానీ ఏమైందో ఏమో తెలియదు కానీ , వీళ్లిద్దరి మధ్య ఇప్పుడు చిన్న గ్యాప్ ఏర్పడిందని ఇండస్ట్రీ వర్గాల్లో పెద్ద ఎత్తున ప్రచారం సాగుతోంది. అందుకు నిదర్శనంగా నేడు వీళ్లిద్దరికీ సంబంధించిన వర్గాల మధ్య గొడవ. ఈ వీడియో ఇప్పుడు సోషల్ మీడియాలో బాగా వైరల్ అయ్యింది.
పూర్తి వివరాల్లోకి వెళ్తే డ్యాన్స్ అసోసియేషన్ ఎన్నికలు , సభ్యత్వాలు విషయంలో ఇరు వర్గాల మధ్య నేడు పెద్ద ఎత్తున గొడవలు జరిగాయట. సభ్యుల సంక్షేమం తో పాటు , ఇతర అంతర్గత విషయాలపై ఒకరిపై ఒకరు పరస్పర ఆరోపణలు చేసుకున్నారట. ఈ రెండు బృందాల మధ్య వాగ్వాదం తారాస్థాయికి చేరడం తో అస్సోసియేషన్ లో గందరగోళం వాతారణం నెలకొన్నది. ఇది ఇప్పట్లో తేలే వ్యవహారం కాదని , యూనియన్ పెద్దలు కచ్చితంగా జోక్యం చేసుకోవాల్సిన అవసరం ఉందని సభ్యులు విజ్ఞప్తి చేస్తున్నారు. ఈ గొడవకు సంబంధించిన వీడియోని మీ కోసం చివర్లో అందిస్తున్నాము చూడండి. ఈ వీడియో లో శేఖర్ మాస్టర్ తరుపున శ్రేష్టి వర్మ ఉంది. ఈమె ఎవరో ప్రత్యేకించి చెప్పనవసరం లేదు. ఒకప్పుడు జానీ మాస్టర్ వద్ద కొరియోగ్రాఫర్ చేసి , అతను లైంగిక వేధింపులు చేస్తున్నారు అంటూ పోలీస్ స్టేషన్ లో కేసు నమోదు చేసింది.
ఈ కేసు వ్యవహారం లో జానీ మాస్టర్ నెల రోజులకు పైగా రిమాండ్ ఖైదీగా జైలు లో గడిపారు. అంతే కాకుండా అతనికి వచ్చిన నేషనల్ అవార్డు కూడా కేవలం ఈ కేసు కారణంగా రద్దు అయ్యింది. అయితే ఈ వీడియో లో శేఖర్ మాస్టర్ తో శ్రేష్టి వర్మ ని చూసిన నెటిజెన్స్ లో అనేక అనుమానాలు కలుగుతున్నాయి. ఎందుకంటే జానీ మాస్టర్ జైలు నుండి బయటకు వచ్చిన వెంటనే ఒక ఇంటర్వ్యూ ఇచ్చారు. ఈ ఇంటర్వ్యూ లో జానీ మాస్టర్ మాట్లాడుతూ , తనపై కావాలని కొంతమంది కుట్రలు చేసి ఈ కేసు ని నమోదు చేయించారని అన్నారు. ఆ కుట్రలో శేఖర్ మాస్టర్ హస్తం ఏమైనా ఉందా ? అనే అనుమానాలు కలుగుతున్నాయి.
