inter results 2026 : ఇంటర్ విద్యార్థులకు( inter students) బిగ్ అప్డేట్. రెండు తెలుగు రాష్ట్రాలకు సంబంధించి ఇంటర్ విద్యార్థుల ఫలితాలు విడుదలకు ముహూర్తం ఖరారు అయింది. అయితే ఈ ఏడాది త్వరగా ఫలితాలు విడుదల చేయాలని రెండు రాష్ట్రాల ఇంటర్ బోర్డు అధికారులు నిర్ణయించారు. మూల్యాంకనం విషయంలో ఎటువంటి పొరపాట్లు, సత్యం జరగకుండా జాగ్రత్తలు తీసుకుంటున్నారు. గతంలో ఫలితాలు ఆలస్యం కావడంతో పోటీ పరీక్షలకు సంబంధించి ఇబ్బందులు ఎదురయ్యేవి. అందుకే ఈసారి ముందుగానే విడుదలకు నిర్ణయించారు. రెండు రాష్ట్రాల్లో ఇంటర్ ఫలితాలు వెల్లడికి సంబంధించి ముహూర్తం ఫిక్స్ చేశారు. ఈనెల 18 తో ఏపీలో ఇంటర్ పరీక్షలు పూర్తయ్యాయి.
* తెలంగాణలో ఇలా..
ఇంటర్ ఫలితాలు ముందుగానే ప్రకటించాలన్న నిర్ణయం మేరకు మూల్యాంకరం కూడా సకాలంలో పూర్తి చేయాలని నిర్ణయించుకున్నారు. పరీక్షలు ముగిసిన వెంటనే రెండు రాష్ట్రాల్లో మూల్యాంకనం ప్రారంభం అయింది. ఏప్రిల్ 24 నుంచి వేసవి సెలవులు మొదలవుతాయి. జూన్ 1 నుంచి తిరిగి జూనియర్ కాలేజీలు పునః ప్రారంభం కానున్నాయి. ఈలోగా అడ్వాన్స్ సప్లమెంటరీ పరీక్షలకు కూడా ముగించి మే 31 నాటికి ఫలితాలు ప్రకటించాలని తెలంగాణ ఇంటర్ పోర్ట్ అధికారులు భావిస్తున్నారు. ఏప్రిల్ మూడు నాటికి స్పాట్ వాల్యూషన్ పూర్తి చేయాలని చూస్తున్నారు. ఏప్రిల్ 6 నుంచి 9 తేదీల్లోగా.. ఏదో ఒక రోజు ఫలితాలు ప్రకటించడం ఖాయంగా తెలుస్తోంది. ఏప్రిల్ 10 లోపు తెలంగాణలో విద్యార్థుల చేతికి మార్కుల జాబితా అందించేలా ఏర్పాట్లు జరుగుతున్నాయి.
* ఏపీలో అలా..
ఏపీలో సైతం ఏప్రిల్ రెండో వారంలోనే ఇంటర్ ఫలితాలు విడుదల చేసేందుకు రంగం సిద్ధం చేస్తున్నారు. మార్చి 22 నుంచి మూల్యాంకనం ప్రారంభించారు. ఏప్రిల్ 10లోపు ఫలితాలను విడుదల చేసేందుకు అధికారులు సన్నాహాలు చేస్తున్నారు. మరోవైపు ఈ అకాడమిక్ క్యాలెండర్ ను కూడా అధికారులు వెల్లడించారు. అడ్మిషన్ల కోసం హోర్డింగులు, కరపత్రాలు, గోడపై రాతలు, మీడియా ద్వారా ప్రచారం లాంటివి చేయకూడదని ఇంటర్ విద్యా మండలి ప్రైవేటు జూనియర్ కాలేజీ యాజమాన్యాలకు స్పష్టం చేసింది.
