Austin Telugu School anniversary : ఆస్టిన్ పాఠశాల ఆరవ వార్షికోత్సవ వేడుకలు అంగరంగ వైభవంగా నిర్వహించబడ్డాయి. ఈ సందర్భంగా తానా పాఠశాల విద్యార్థులు కలిసి ప్రదర్శించిన బాల రామాయణం నాటకం ప్రేక్షకులను ఆకట్టుకుంది. ముఖ్యంగా పిల్లలు స్వయంగా తెలుగు భాషలో సంభాషణలు చేస్తూ రామాయణ పాత్రలను ఆవిష్కరించడం కార్యక్రమానికి ప్రత్యేక ఆకర్షణగా నిలిచింది. చిన్నారుల అద్భుత నటనకు హాజరైన వారంతా మంత్రముగ్ధులయ్యారు.
ఈ వేడుకలకు గౌరవ అతిథిగా విచ్చేసిన సిటీ మేయర్ జిమ్ గారు విద్యార్థులు, ఉపాధ్యాయులను అభినందించారు. ఈ సందర్భంగా విశ్వ గురుకులం “అంకురం” పాఠ్యపుస్తకాన్ని వ్యవస్థాపక సభ్యుడు రామ్ మారం గారు విడుదల చేసి, పాఠశాల మరియు విశ్వ గురుకులం విద్యార్థులకు ధ్రువీకరణ పత్రాలు అందజేశారు.
పాఠశాల పూర్వ విద్యార్థులైన నిహారిక భమిడిపాటి, రితిక గంగబత్తిన వ్యాఖ్యాతలుగా వ్యవహరించగా, ద్విజేష్ గొంట్ల, సమయ సిద్ధాంత పొట్లచెరువు ఈ ఏడాది విద్యార్థులకు బోధించడం విశేషంగా ప్రశంసలు అందుకుంది.
ఈ కార్యక్రమంలో పాఠశాల కో-చైర్ రజని మారం గారు, ఉపాధ్యాయులు అనూష చిట్టూరి, ప్రతూష అట్లూరి, శ్వేత వెలగలేటి, రాజేష్ గంగబత్తిన, శ్రీదేవి కోట, మృదుల కొనంకి, వాసవి కల్వతో పాటు విశ్వ గురుకులం ఉపాధ్యాయులు వంశీ భరద్వాజ్ గారిని తానా చైర్మన్ నాగేంద్ర శ్రీనివాస్ గారు, తానా ప్రెసిడెంట్ నరేన్ కొడాలి గారు అభినందించారు.
అలాగే కార్యక్రమం విజయవంతం కావడంలో సహకరించిన శ్రీనివాస్ లావు, శ్రీనివాస్ ఒరుగంటి, రాజా కసుకుర్తి, ఠాగూర్ మల్లినేని గారికి నిర్వాహకులు ప్రత్యేక కృతజ్ఞతలు తెలిపారు.
