Gas Cylinder Price
Gas Cylinder Price: లోక్‌సభ ఎన్నికల నేపథ్యంలో ప్రభుత్వం ఎల్‌పీజీ వినియోగదారులకు ఊరట కల్పించింది. 19 కిలోల కమర్షియల్ సిలిండర్ ధర మరోసారి తగ్గింది. ఢిల్లీలో దీని ధర గతంలో రూ. 1745.50కి అందుబాటులో ఉన్న రూ. 1676.00గా మారింది. అంటే ఒక్కో సిలిండర్ పై రూ.69.50 తగ్గింది. కానీ గృహవినియోగదారులు ఉపయోగించే 14 కిలోల సిలిండర్‌లో ఎలాంటి మార్పు చేయలేదు. సాధారణ వినియోగదారులకు సంబంధించి ఢిల్లీలో దీని ధర రూ. 803గా ఉంది. ఉజ్వల లబ్ధిదారులకు ధర రూ. 603గా ఉంది. ఇప్పుడు 19 కిలోల సిలిండర్ కోల్‌కతాలో రూ.1787, ముంబైలో రూ.1629, చెన్నైలో రూ.1840.00లకు అందుబాటులో ఉంటుంది. తగ్గిన ధరలు నేటి నుంచి అమల్లోకి వచ్చాయి. 19 కిలోల సిలిండర్‌ను హల్వాయి సిలిండర్ అని కూడా అంటారు. దీని ధర తగ్గింపుతో హోటళ్లకు వెళ్లి తినేవారికి కొంత భారం తగ్గుతుందని భావిస్తున్నారు. వాణిజ్య సిలిండర్ల ధర వరుసగా మూడో నెల కూడా తగ్గింది.
గతంలో ఏప్రిల్, మే నెలల్లో కూడా 19 కిలోల సిలిండర్ ధర తగ్గింది. అంతకు ముందు ఫిబ్రవరి, మార్చి నెలల్లో ధరలు పెరిగాయి. దీంతో పాటు ఆటో గ్యాస్, ఏటీఎఫ్ ధరలను కూడా నేటి నుంచి మార్చారు. మరోవైపు పెట్రోల్, డీజిల్ ధరల్లో మరోసారి ఎలాంటి మార్పు లేదు. శనివారం ఢిల్లీలో లీటర్ పెట్రోల్ ధర రూ.94.72, డీజిల్ ధర రూ.87.62గా ఉంది. అంతర్జాతీయ స్థాయిలో ముడిచమురు ధర తగ్గుముఖం పట్టింది. మరోవైపు డబ్ల్యూటీఐ క్రూడ్ కూడా $0.92 అంటే 1.18 శాతం క్షీణతతో $76.99 వద్ద ట్రేడవుతోంది.
ఉజ్వల యోజన
పేద కుటుంబాలకు సబ్సిడీ సిలిండర్లు అందించేందుకు 2016లో పీఎం ఉజ్వల యోజనను ప్రారంభించారు. దీని పదవీకాలం మార్చి 2024తో ముగియనుంది. అయితే దీనిని మార్చి 31, 2025 వరకు పొడిగించాలని కేంద్ర మంత్రివర్గం నిర్ణయించింది. ఈ పథకం లబ్ధిదారులు ఏటా 12 సిలిండర్ల వరకు సబ్సిడీని పొందుతారు. పీఎం ఉజ్వల పథకం కింద 10.27 కోట్ల మంది లబ్ధిదారులు ఉన్నారు. వీటన్నింటికీ ఢిల్లీలో 14.2 కిలోల సిలిండర్ ధర రూ.603.
గృహ వినియోగదారులకు మొండిచేయి..
ఇప్పటికే పెరుగుతున్న నిత్యావసరాల ధరలు సామాన్యుడిగా గుదిబండగా మారుతున్నాయి. అయితే కేంద్రప్రభుత్వం సిలిండర్ల ధర తగ్గింపు కేవలం కమర్షియల్ వినియోదారులకు వర్తింపజేయడంతో సాధారణ వినియోగదారులు మండిపడుతున్నారు. ఈ ఏడాదిలో వరుసగా మూడోసారి కమర్షియల్ వినియోగదారులకు ధర తగ్గింపు ఇచ్చింది. కానీ సాధారణ వినియోగదారులను మాత్ర విస్మరించింది. తమకు కొంత తగ్గింపు ఇస్తే వంటింటి భారం నుంచి కాస్తయిన ఉపశమనం దక్కేదని సాధారణ వినియోగదారులు భావిస్తున్నారు.
