Drunk Man Shouting Slogans: తాగిన వాళ్ళు అబద్ధాలు చెప్పరు అంటారు. అలాగే అతిగా తాగిన వాళ్లు ఆవేశాన్ని ఆపుకోలేరు అంటారు. ఈ వీడియో చూస్తే అలానే అనిపిస్తోంది. ఈ వీడియోలో ఓ వ్యక్తి అతిగా మద్యం తాగి కనిపిస్తున్నాడు. పైగా రోడ్డుమీదికి వచ్చాడు.. పోలీసులు ఊరుకోరు కదా.. వెంటనే బ్రీత్ అనలైజర్ తో టెస్ట్ చేశారు. మనవాడు తాగిన మద్యం దెబ్బకు బ్రీత్ అనలైజర్ రికార్డు స్థాయిలో రీడింగ్ చూపించింది. ఇంకేముంది పోలీసులు పట్టుకున్నారు. అదుపులోకి తీసుకున్నారు.
Also Read: పవన్ ఆదేశాలతో రంగంలోకి నాగబాబు
అసలు తాగి ఉన్నాడు.. పైగా విపరీతమైన మత్తులో ఉన్నాడు. దీంతో తనను పట్టుకున్న పోలీసుల మీదకు దూకుడుగా వెళ్ళాడు. అంతేకాదు.. వందేమాతరం అంటూ నినాదాలు చేశాడు. నన్ను అదుపులోకి తీసుకోవడానికి మీరు ఎవరు అన్నట్టుగా స్వాతంత్ర సమరయోధుడి లాగా బిల్డప్ ఇచ్చాడు. చేయి పైకి ఎత్తి నినాదాలు చేశాడు. అంతటితో ఆగకుండా నేను టాక్స్ పేయర్ ను.. నన్ను అదుపులోకి తీసుకుంటారా అంటూ పోలీసులను ఉల్టా ప్రశ్నించాడు.
ఈ సంఘటన ఎక్కడ జరిగిందో తెలియదు. కానీ సోషల్ మీడియాని మాత్రం ఊపేస్తోంది. సాధారణంగా మద్యం తాగిన వారు పోలీసుల పై ఎదురు తిరగడానికి సాహసం చేయరు. తను ఇతడు పీకల దాకా మద్యం తాగి.. ఆ మత్తులో రెచ్చిపోయాడు.. పోలీసుల మీద వీరంగం చేశాడు. తనను తాను ఒక స్వాతంత్ర సమరయోధుడిగా చెప్పుకుంటూ బిల్డప్ ఇచ్చాడు.
ఈ వీడియో ఇప్పటికే లక్షలలో వీక్షణలు సొంతం చేసుకుంది.”90ml మందు కడుపులో పడితే చాలు ప్రతివాడు ఇలాగే రెచ్చిపోతాడు. ఇటువంటివారిని పోలీసు అకాడమీలో వేసి ట్రైనింగ్ ఇప్పించాలి. మండుటెండలో పరుగులు పెట్టించాలి. అప్పుడు గాని తాగి రోడ్లమీదకి వస్తే ఏమవుతుందో అర్థమవుతుంది. 90 ఎంఎల్ ఒంట్లోకి వెళ్లడమే ఆలస్యం ఇతడికి ఒక్కసారిగా దేశభక్తి గుర్తొచ్చింది. ఇటువంటి దేశభక్తులను పోలీసులు అసలు వదిలిపెట్టకూడదు. వీరికి ఎప్పటికప్పుడు ఘనమైన సన్మానం చేస్తే గొప్పగా ఉంటుందని” నెటిజన్లు పేర్కొంటున్నారు.
