మనలో చాలామంది జీడిపప్పును ఎంతో ఇష్టంగా తింటారనే విషయం తెలిసిందే. జీడిపప్పు తినడం వల్ల శరీరానికి ఎన్నో ఆరోగ్య ప్రయోజనాలు చేకూరుతాయి. శరీరానికి అవసరమైన ఎన్నో పోషకాలు జీడిపప్పు ద్వారా లభిస్తాయి. చర్మ కాంతిని పెంపొందించడంతో పాటు రక్తహీనత సమస్యను దూరం చేయడంలో జీడిపప్పు ఎంతగానో సహాయపడుతుంది. జీడిపప్పు తినడం వల్ల జుట్టుకు కూడా అనేక ఆరోగ్య ప్రయోజనాలు చేకూరుతాయి.
జీడిపప్పులో శరీరానికి అవసరమైన ఐరన్, సెలీనియం, మెగ్నీషియం, జింక్ ఉంటాయి. రోజూ జీడిపప్పు తినడం వల్ల చర్మం ఆరోగ్యకరంగా ఉండటంతో పాటు ముడతలు వచ్చే అవకాశం తగ్గుతుంది. జీడిపప్పును డైట్ లో భాగం చేసుకోవడం వల్ల పొడవాటి, మెరిసే జుట్టును పొందే అవకాశం ఉంటుంది. జీడిపప్పులో ఉండే కాపర్ జుట్టు పెరుగుదలకు ఎంతగానో దోహదపడుతుంది. జీడిపప్పులో ఉండే పొటాషియం జుట్టు రాలడాన్ని నివారిస్తుంది.
శరీరానికి అవసరమైన యాంటీ ఆక్సిడెంట్లు జీడిపప్పులో పుష్కలంగా ఉంటాయి. చర్మంలో కొత్త కణాల పెరుగుదల కోసం యాంటీ ఆక్సిడెంట్లు ఎంతగానో సహాయపడతాయి. రోజూ పరగడుపున జీడిపప్పు తింటే ఆరోగ్యానికి ఎంతో మంచిది. చర్మాన్ని వేగంగా పునరుత్పత్తి చేయడంలో జీడిపప్పు సహాయపడుతుంది. జీడిపప్పులో ఉండే విటమిన్ సి వల్ల శరీరంలోని మచ్చలను సులువుగా తొలగించుకోవచ్చు.
జీడిపప్పులో ఉండే యాంటీ ఆక్సిడెంట్లలో జియాక్సంతిన్ ఒకటి కాగా ఇది హానికరమైన అల్ట్రా వైలట్ కిరణాల నుంచి కళ్లను రక్షించడంలో సహాయపడుతుంది. పిల్లలు, పెద్దవాళ్లు రోజూ జీడిపప్పును తీసుకుంటే మంచిదని చెప్పవచ్చు. కొన్ని ఆరోగ్య సమస్యలకు చెక్ పెట్టడంలో జీడిపప్పు తోడ్పడుతుంది. వైద్య నిపుణులు సైతం రోజూ జీడిపప్పును తీసుకుంటే మంచిదని సూచనలు చేస్తున్నారు.
