After Romance
Health Tips : భార్యాభర్తలు మధ్య బంధం ఎల్లప్పుడూ మంచిగా ఉండాలంటే ఇద్దరి మధ్య ప్రేమ ఉండటంతో పాటు ఫిజికల్ బాండ్ కూడా బాగుండాలి. శృంగార చేయడం వల్ల ఇద్దరి మధ్య అనుబంధం పెరుగుతుంది. కలయిక తర్వాత కొందరికి భాగస్వామిపై ప్రేమ పెరుగుతుంది. అయితే ప్రస్తుతం అన్నీ విషయాలు అప్డేట్ అవుతున్నాయి. కానీ కలయిక విషయంలో మాత్రం మనుషుల ధోరణి మారడం లేదు. ఎవరైనా వెంటే ఏమనుకుంటారో అనే భయంతో దీని గురించి ఎవరూ బయట పెద్దగా మాట్లాడుకోరు. కొందరు మహిళలకు తెలియక కలయిక తర్వాత చిన్న జాగ్రత్తలు పాటించకుండా కొన్ని తప్పులు చేస్తుంటారు. కలయిక తర్వాత ఎలాంటి సమస్య రాకుండా ఉండాలంటే ఈ తప్పులు చేయవద్దు.
యోనిని శుభ్రం చేసుకోవడం
కేవలం కలిసిన తర్వాత మాత్రమే కాకుండా బాత్రూమ్ వెళ్లిన ప్రతిసారి మహిళలు యోనిని శుభ్రం చేసుకోవాలి. లేకపోతే ఇన్ఫెక్షన్లు సోకే ప్రమాదం ఉంది. యోని ఎప్పుడు తేమగా ఉండేలా కాకుండా చూసుకోవాలి. ఎల్లప్పుడు తేమ ఉండటం వల్ల బ్యాక్టీరియా ఉండిపోతుంది. కాబట్టి ఎప్పటికప్పుడూ యోనిని క్లీన్ చేసుకోవడం వల్ల ఇన్ఫెక్షన్ల సమస్య తగ్గుతుంది.
వాసన వస్తే నిర్లక్ష్యం వద్దు
సాధారణంగా యోని వాసన ఉంటుంది. కలయిక తర్వాత ఇది ఎక్కువైతే నిర్లక్ష్యం చేయకుండా వెంటనే డాక్టర్ను సంప్రదించండి. శృంగారంలో పాల్గొనడం వల్ల వచ్చే ఇన్ఫెక్షన్ అయ్యే అవకాశం ఉంది. కాబట్టి జాగ్రత్త వహించడం మర్చిపోవద్దు.
నీరు తాగాలి
కలయిక తర్వాత తప్పకుండా నీరు తాగాలని వైద్య నిపుణులు చెబుతున్నారు. ఎందుకంటే వాటర్ ఎక్కువగా తాగి, మూత్ర విసర్జన చేస్తే బ్యాక్టీరియా బయటకు వెళ్లిపోతుంది. అందుకే కలయిక తర్వాత గ్లాసు మంచినీరు అయిన తాగండి.
మూత్ర విసర్జన
ఇద్దరు వ్యక్తులు కలిసిన తర్వాత మూత్ర విసర్జన చేయాలని వైద్య నిపుణులు చెబుతున్నారు. కలయిక తర్వాత మూత్ర విసర్జన చేయడం వల్ల యూరినరీ ట్రాక్ట్ సమస్యను తగ్గిస్తుంది. కలయిక సమయంలో బ్యాక్టీరియా యోనిలోకి చేరితే మూత్ర విసర్జన ద్వారా బయటకు వస్తుంది. దీనివల్ల ఎలాంటి ఫంగల్ ఇన్ఫెక్షన్లు రావు.
శుభ్రత ముఖ్యం
కలయిక తర్వాత చాలామంది చేసే తప్పు శుభ్రత పాటించకపోవడం. ఇద్దరు కలిసిన తర్వాత చేతులు శుభ్రం చేసుకోవాలి. లేకపోతే బ్యాక్టీరియా వల్ల ఇన్ఫెక్షన్ సోకే ప్రమాదం ఉంది. శృంగారంలో పాల్గొన్న తర్వాత తప్పకుండా శుభ్రత పాటించాలి.
టైట్ దుస్తులు ధరించకూడదు
కలయిక తర్వాత స్త్రీలు బిగుతుగా ఉండే దుస్తులు ధరించకూడదు. వదులుగా ఉండే కాటన్ దుస్తులను ధరించాలి. టైట్గా ఉండే దుస్తులు ధరించడం వల్ల యోనిలో బ్యాక్టీరియా పెరిగే అవకాశం ఉంది. కాబట్టి వీలైనంత వరకు వదులుగా ఉండే దుస్తులు మాత్రమే ధరించాలి.
కలయిక తర్వాత ఈ జాగ్రత్తలు తప్పకుండా పాటించాలి. లేకపోతే యూరీనరీ ట్రాక్ట్ సమస్యలు, సుఖ వ్యాధులు వచ్చే ప్రమాదం ఉంది. ఈ చిన్న తప్పులు చేయడం వల్ల ఈ మధ్య యువత ఎక్కువగా సుఖ వ్యాధులకు బలైవుతున్నారు. కాబట్టి కలయిక తర్వాత ఈ తప్పులు చేయవద్దు.