Chocolate: చాక్లెట్లు తినడం ఆరోగ్యానికి మంచిది కాదని నిపుణులు అంటుంటారు. ఇందులో షుగర్ ఎక్కువగా ఉండటం వల్ల ఇవి పిల్లలకు లేదా పెద్దవారికి ఇద్దరికి హాని కలిగిస్తాయట. ఇవి ఆరోగ్యానికి అంత మంచివి కావని తెలిసిన కూడా చిన్న పిల్లల నుంచి పెద్ద వాళ్ల వరకు అందరూ కూడా చాక్లెట్లు తినడానికి ఆసక్తి చూపిస్తారు. నిజం చెప్పాలంటే పిల్లల కంటే పెద్దలే ఇంకా ఎక్కువగా చాక్లెట్లు తింటారు. నోట్లో వేస్తే కరిగిపోతాయని చాలా టేస్టీగా ఉంటాయని వీటిని తినడానికి ఇష్టపడుతుంటారు. అయితే చాక్లెట్లలో కొన్ని రకాలు ఉన్నాయి. వాటిని తింటే ఎలాంటి అనారోగ్య సమస్యలు రాకుండా ఆరోగ్యంగా ఉంటారట. తీపిగా ఉండే సాధారణ చాక్లెట్లు కంటే డార్క్ చాక్లెట్లను తినడం వల్ల ఆరోగ్యానికి ప్రయోజనాలు చేకూరుతాయని నిపుణులు చెబుతున్నారు. వీటిని డైలీ చిన్న ముక్క తింటే చాలు అనారోగ్య సమస్యలన్నీ కూడా పరార్ అయిపోతాయి. తినడానికి కాస్త చేదుగా ఉండే డార్క్ చాక్లెట్లను అంతగా ఎవరూ ఇష్టపెట్టుకోరు. వీటిని తినడం వల్ల తలనొప్పి తగ్గడం, నిద్ర బాగా పట్టడం వంటి ప్రయోజనాలు కూడా ఉంటాయి. అయితే మరి డైలీ ఈ డార్క్ చాక్లెట్ చిన్న ముక్కను తింటే శరీరానికి ఎలాంటి ప్రయోజనాలు చేకూరుతాయో మరి ఈ స్టోరీలో తెలుసుకుందాం.
గుండె ఆరోగ్యానికి మేలు చేస్తాయి
డార్క్ చాక్లెట్లు గుండె ఆరోగ్యానికి చాలా మేలు చేస్తాయి. ఇందులో ఉండే ఫ్లేవనాయిడ్లు రక్త ప్రసరణను మెరుగుపరచడంలో బాగా ఉపయోగపడతాయి. ఈ చాక్లెట్ ముక్కను రోజూ తింటే అధిక రక్తపోటు కూడా తగ్గుతుంది. ఈ చాక్లెట్ వల్ల కొలెస్ట్రాల్ స్థాయిలను పెరగకుండా ఉంటాయి. దీంతో గుండె జబ్బులు వచ్చే ప్రమాదం తగ్గుతుంది. రోజూ చిన్న ముక్క డార్క్ చాక్లెట్ను తినడం వల్ల శరీర ఆరోగ్యం మెరుగుపడుతుంది.
మెదడు పనితీరు
మెదడు పనితీరు మెరుగుపడాలంటే రోజూ చిన్న ముక్క డార్క్ చాక్లెట్ తినడం మంచిది. ఇదులోని ఫ్లేవనాయిడ్లు జ్ఞాపకశక్తిని పెంచడంలో బాగా ఉపయోగపడతాయి. అలాగే మానసిక సమస్యల నుంచి కూడా విముక్తి కలిగిస్తుంది. డైలీ ఈ చాక్లెట్ తింటే మానసికంగా సంతోషంగా ఉంటారు. కొందరు అల్జీమర్స్ వంటి న్యూరోడెజెనరేటివ్ వ్యాధులతో బాధపడుతుంటారు. అలాంటి వారు ఈ చాక్లెట్ను తినడం వల్ల ఈ వ్యాధుల ప్రమాదం కూడా తగ్గుతుంది.
చర్మ ఆరోగ్యం
డార్క్ చాక్లెట్లు చర్మ ఆరోగ్యాన్ని మెరుగుపరచడానికి బాగా ఉపయోగపడతాయి. ఇందులోని బయోయాక్టివ్ సమ్మేళనాలు, ఫ్లేవనాయిడ్లు సూర్యరశ్మి నుంచి రక్షిస్తాయి. అలాగే చర్మానికి రక్త ప్రవాహాన్ని మెరుగుపరుస్తాయి. దీంతో చర్మం కాంతివంతంగా మారుతుంది. అలాగే చర్మంపై ఉండే మొటిమలు, మచ్చలు కూడా తొలగిపోతాయి.
బరువు నిర్వహణ
కొందరు ఊబకాయం సమస్యలతో ఇబ్బంది పడుతుంటారు. అలాంటి వారు స్వీట్గా ఉండే చాక్లెట్లు కంటే డార్క్ చాక్లెట్లను తినడం వల్ల ఈజీగా బరువు తగ్గుతారు. వీటిని తినడం వల్ల ఆకలి కూడా నియంత్రణలో ఉంటుంది. దీంతో బరువు తొందరగా తగ్గుతారు. కాబట్టి రోజూ చిన్న ముక్క డార్క్ చాక్లెట్ తినడం అలవాటు చేసుకోండి.
Disclaimer : ఈ సమాచారం కేవలం అవగాహన, ప్రాథమిక సమాచారం కోసం మాత్రమే. దీన్ని oktelugu.com నిర్ధారించదు. ఈ సూచనలు పాటించే ముందు వైద్య నిపుణుల సలహాలు తీసుకోగలరు.
