మీడియా అంతా చంద్రబాబు సీఎంగా రావాలని ఎందుకు కోరుకుంటారో ఇప్పుడు తెలిసింది. ఏపీ సీఎం జగన్ పర్యటనలో మీడియాకు అంతగా ప్రకటనలు ఇవ్వడం లేదు. కానీ చంద్రబాబు మాత్రం సీఎంగా ఉన్నన్నీ రోజులు నెలకోసారి సంక్షేమ పథకాలను పెద్ద ఎత్తున మీడియాకు ప్రకటనలు గుప్పించారు. మీడియాపై ఎంతో ప్రేమను చూపే నాయకుడు చంద్రబాబు అనడంలో ఎలాంటి సందేహం లేదు. తెలుగు రాష్ట్రాల్లోని పలు మీడియా హౌస్ లకు హాట్ ఫేవరేట్ అని అందరికీ తెలిసిన విషయమే..
Also Read: జల వివాదాల పరిష్కారంపై ముఖం చాటేస్తున్న కేసీఆర్
చంద్రబాబు తన పాలనలో మీడియాకు పెద్ద ఎత్తున ప్రకటనలు ఇవ్వడం ద్వారా వారికి ప్రోత్సహాన్నిచ్చాడు. ఎందుకంటే చంద్రబాబు చేసిన ప్రతి చిన్న పనికి ప్రచారం అవసరం. అతను తన పాలనలో భారీ మీడియా కవరేజీని పొందడానికి పెద్ద ఎత్తున మీడియాకు ప్రకటనలు ఇచ్చాడని తాజాగా లెక్కలు చెబుతున్నాయి.
ముఖ్యమంత్రిగా చంద్రబాబు పదవీకాలం ముగిసిన చివరి సంవత్సరంలో టిడిపి చీఫ్ భారీగా ప్రకటనలు గుప్పించారు. సాధారణ ఎన్నికలు వేగంగా సమీపిస్తున్నందున ఓటర్లను ప్రసన్నం చేసుకోవడానికి తాను ప్రారంభించిన వివిధ ప్రజాదరణ పథకాలపై ప్రకటనలపై డబ్బును కుమ్మరించారని లెక్కలు చెబుతున్నాయి. మీడియా కూడా బాబు విజయాలను హైలైట్ చేసింది. అతని సమావేశాలకు విస్తృతమైన కవరేజ్ ఇచ్చింది. అతనితో ప్రత్యేక ఇంటర్వ్యూలు చేసింది. చంద్రబాబు పందేరంలో ఛానెల్లు వార్తాపత్రికల కంటే ఎక్కువ డబ్బు సంపాదించాయి.
Also Read: టీడీపీకి మరో కోలుకోలేని షాక్
ఏప్రిల్ 2018- మార్చి 2019 మధ్య గత చంద్రబాబు ప్రభుత్వం నెలకు రూ .5 లక్షల నుండి 50 లక్షల వరకు ఛానెళ్లకు భారీ ప్రకటనలు ఇచ్చిందని నివేదికలు చెబుతున్నాయి. టిడిపి అనుకూల ఛానెళ్లైన ఏబిఎన్-ఆంధ్రజ్యోతి, ఈటివి, టివి9, టివి5, ఎన్టివిలకు నెలకు రూ .50 లక్షల మేరకు ప్రకటనలు ఇచ్చారు.
కొన్ని ఛానెళ్లకు రూ.25 లక్షల విలువైన ప్రకటనలు లభించగా.. మరికొన్నింటికి నెలకు రూ.10 లక్షల నుంచి 30 లక్షలు చెల్లించారు. వైఎస్ఆర్సి చీఫ్ వై ఎస్ జగన్ మోహన్ రెడ్డి యాజమాన్యంలోని సాక్షి టెలివిజన్ ఛానెల్కు సైతం నెలకు రూ .10 లక్షలు ఇవ్వడం ఆశ్చర్యపరిచే నిర్ణయం. చంద్రబాబు ఈ ఛానెళ్లలో చాలా మందికి చాలా దగ్గరైన నేత. ఎందుకంటే అప్పటి ప్రభుత్వం ఇచ్చిన యాడ్స్ డబ్బు కారణంగా ఎన్నో చానెల్స్ బాగుపడ్డాయి. అందుకే చంద్రబాబు అంటే మీడియాకు ఎంత ప్రేమో దీనిద్వారా తెలిసింది.
