Star Maa Mad For Each Other reality show: త్వరలోనే స్టార్ మా ఛానల్ లో ఇప్పటి వరకు తెలుగు టెలివిజన్ హిస్టరీ పై ఎప్పుడూ చూడని రియాలిటీ షో ఒకటి ప్రారంభం కాబోతుంది . ఆ షో పేరు ‘మ్యాడ్ ఫర్ ఈచ్ అథర్'(Mad For Each Other). పెళ్ళైన జంటలు, పెళ్లి కావాల్సిన జంటలు ఈ షో లో పాల్గొంటారు. ఈ జంటలమధ్య ఒకరంటే ఒకరికి ఎంత ప్రేమ ఉంది అని తెలిపే విధంగా ఎన్నో రకాల టాస్కులను నిర్వహిస్తారు. ఈ టాస్కుల్లో గెలిచిన వాళ్ళు ఉంటారు , ఓడిపోయిన వాళ్ళు ఒక్కో వారం ఎలిమినేట్ అవుతూ ఉంటారు. బిగ్ బాస్ తరహా లోనే ఈ షో ఫార్మటు కూడా ఉంటుంది. అక్కడ బిగ్ బాస్ హౌస్ ఎలాగైతే ఉంటుందో , ఇక్కడ ఒక పెద్ద విల్లా ఉంటుంది . ఆ వీల్లలోకి పది మంది జంటలు ప్రవేశిస్తారు. ఈ పది మందిలో చివరి వరకు ఏ జంట నిలుస్తుంది అనేది ఆసక్తికరంగా ఉండే అంశం .
కొద్దిరోజుల క్రితమే ఈ షోకి సంబంధించిన షూటింగ్ మొదలైంది. ఈ షోకి వచ్చిన జంటల లిస్ట్ ఒకసారి చూస్తే , వాసంతి కృష్ణన్ – పవన్ కళ్యాణ్ , సోనియా – సిద్దు, హరిత – హరీష్ (మాస్క్ మ్యాన్), అంజలి – పవన్ , ప్రియాంక జైన్ – శివ్, నూకరాజు – ఆసియా , నటరాజ్ మాస్టర్ – నీతూ, మహేష్ బాబు – సాండ్రా, సంధ్య – బిట్టు, భాను ప్రసాద్ – జానూ. వీళ్లంతా వీల్లలోకి అడుగుపెట్టారు. 70 రోజుల పాటు ఈ షో సాగనుంది. ఈ షో కి యాంకర్ గా శ్రీముఖి వ్యవహరిస్తుండగా , జడ్జీలుగా సీనియర్ హీరోయిన్ రాధా , అనిల్ రావిపూడి , లయ వంటి వారు వ్యవహరిస్తున్నారు . అయితే ఇప్పటికే ఒక ఎలిమినేషన్ కూడా జరిగిపోయింది అట .
Also Read: విష్ణు విన్యాసం రివ్యూ
ఎలిమినేట్ అయ్యింది మరెవరో కాదు , హరిత – హరీష్ జంట నే అట. వీళ్లిద్దరి పై జనాల్లో మొదటి నుండి భారీ అంచనాలు ఉన్నాయి. బిగ్ బాస్ సీజన్ 9 లో హరీష్ నాల్గవ వారం లో ఎలిమినేట్ అయ్యాడు. హౌస్ లోకి సామాన్యుడిగా ఎంట్రీ ఇచ్చిన ఆయన , సెలబ్రిటీలకు ఎందులో కూడా తగ్గకుండా పొగరుగా వ్యవహరిస్తూ తనకు నచ్చింది చేసుకుంటూ వెళ్ళేవాడు. ఇదే జనాలకు నచ్చక ఆయన్ని ఎలిమినేట్ చేసి పంపేశారు. ఇక్కడ కూడా ఆయన ఆట తీరు నచ్చినట్టు లేదు , అందుకే మొదటి వారం లోనే ఎలిమినేట్ అయిపోయారు అంటూ సోషల్ మీడియా లో నెటిజెన్స్ కామెంట్స్ చేస్తున్నారు.