Bigg Boss 6 Telecast Date: తెలుగు బుల్లితెర సంచలనం బిగ్ బాస్ సీసన్ 6 అతి త్వరలోనే ప్రసారం అవ్వబోతుంది అంటూ ఇటీవలే ప్రోమోస్ కూడా విడుదల చేసిన సంగతి మన అందరికి తెలిసిందే..ఇప్పటి వరుకు ప్రసారమైన 5 సీసన్స్ బంపర్ హిట్ అవ్వడం తో ఇప్పుడు ఆరవ సీసన్ పై భయంకరమైన అంచనాలు ఏర్పడ్డాయి..ఆ అంచనాలకు తగ్గట్టుగానే కనివిని ఎరుగని రీతిలో, కంటెస్టెంట్స్ గా ఎంతో మంది సెలెబ్రిటీలు మరియు వాళ్ళు హౌస్ లో ఆడేందుకు ఎన్నో ఆసక్తికరమైన టాస్కులతో బిగ్ బాస్ సీసన్ 6 రెడీ అయిపోయింది. దీనికి సంబంధించిన టీజర్ అయితే విడుదల చేసేసారు కానీ, ఏ తేదీ నుండి ప్రసారం అవుతుందో, ఏ టైమింగ్స్ లో వస్తుందో అనే విషయం మాత్రం ఇప్పటి వరుకు ప్రకటించలేదు.
Also Read: Poshan Abhiyaan: దేశ ప్రజలకు బలవర్ధకమైన ఆహారాన్ని అందించే పనిలో ప్రధానమంత్రి మోడీ
అయితే అందుతున్న లేటెస్ట్ సమాచారం ఏమిటి అంటే ఈ షో వచ్చే నెల సెప్టెంబర్ 4 వ తేదీ ఆదివారం నాడు ఘనంగా ప్రారంభం అవ్వబోతుంది. సాయంత్రం 6 గంటలకు ప్రారంభం అయ్యే ఈ షో రాత్రి పది గంటల వరుకు కొనసాగుతుంది. ఆరోజు కంటెస్టెంట్స్ ని పరిచయం చేసి హౌస్ లోకి పంపుతారు అనే విషయం ప్రత్యేకంగా చెప్పనక్కర్లేదు. బిగ్ బాస్ షో ని ఫాలో అయ్యే ప్రతి ఒక్కరికి ఆ విషయం తెలిసే ఉంటుంది. ఇది ఇలా ఉండగా ఈ సీసన్ లో ఉన్న ప్రత్యేకతలు ముందుగా మాట్లాడుకోవాల్సి వస్తే ఈ సీసన్ లో సెలెబ్రిటీలతో పాటు సామాన్య మధ్య తరగతి కుటుంబానికి చెందిన వారు కూడా ఒక నలుగురు పాల్గొనబోతున్నట్టు తెలుస్తుంది. బిగ్ బాస్ 2 లో కూడా ఇలాగె చేసారు.
సంజన, గణేష్ మరియు నూతన్ నాయుడు వంటి వారు ఈ షో లో సామాన్యులుగా పరిచయమై సెలెబ్రిటీలు అయ్యారు. నూతన్ నాయుడు కి అయితే ఆయనకి వచ్చిన పాపులారిటీ కి సినిమాలలో కూడా అవకాశాలు వచ్చాయి. మరి ఈసారి బిగ్ బాస్ షో లో సామాన్యులు ఆ స్థాయి పాపులారిటీ ని దక్కించుకుంటారో లేదో చూడాలి. ఇక ఈ షో లో పాల్గొనే సెలెబ్రిటీల లిస్ట్ గత కొంత కాలం నుండి సోషల్ మీడియా లో తిరుగుతూనే ఉంది. ఆ లిస్ట్ లో యాంకర్ ఉదయభాను , యాంకర్ వర్షిణి వంటి వారి పేర్లు కూడా ఉన్నాయి. మరి ఈ లిస్ట్ లో ఉన్న సెలెబ్రిటీలు అందరూ బిగ్ బాస్ లో పాల్గొనబోతున్నారా అనే విషయం తెలియాలంటే సెప్టెంబర్ 4 వరుకు వేచి చూడాల్సిందే.
