Yashmi Gowda
Yashmi Gowda: ఈ సీజన్ బిగ్ బాస్ హౌస్ లో ఆడపులి గా పేరు తెచ్చుకున్న కంటెస్టెంట్స్ లో ఒకరు యష్మీ గౌడ. గత వారమే ఈమె దురదృష్టం కొద్దీ ఎలిమినేట్ అయ్యింది. ఈమె ఎలిమినేషన్ పై సోషల్ మీడియా లో నెటిజెన్స్ తీవ్రమైన అసంతృప్తిని వ్యక్తపరిచారు. ఎందుకంటే ఈమెకంటే తక్కువగా గేమ్స్ ఆడవాళ్లు ఇంకా హౌస్ లోనే ఉన్నారు, టాప్ 5 లో కచ్చితంగా ఉంటుంది అనుకున్న యష్మీ ఎలిమినేట్ అయ్యింది అనే బాధ అందరిలోనూ ఉంది. మధ్యలో ఈమె కొన్ని వారాలు బాగా నెగటివ్ అయ్యింది. అయ్యినప్పటికీ కూడా ఈమెని తమ ఇంట్లో ఆడపిల్ల లాగానే చూసారు ఆడియన్స్. ఎప్పుడైతే ఈమె తన గేమ్ పై ఫోకస్ ని తగ్గించి నిఖిల్ తో లవ్ ట్రాక్ నడపాలని చూసిందో, అప్పటి నుండి ఈమె గేమ్ గాడి తప్పింది. నిఖిల్ కోసం అనేక సందర్భాలలో స్టాండ్ తీసుకొని బాగా నెగటివ్ అయ్యింది.
అందరూ గ్రూప్ గేమ్స్ ఆడుతున్నారు కానీ, అలాంటివి ఏమి ఆడట్లేదు అంటూ కవరింగ్ ఇస్తూ ఉంటారు. కానీ యష్మీ మాత్రం బోల్డ్ గా ఓపెన్ గానే గ్రూప్ గేమ్స్ ఆడుతున్నాము అని హౌస్ లో ఉన్నప్పుడే చెప్పుకొచ్చింది. ఇవన్నీ ఆమెకు నెగటివ్ అయ్యింది. అంతే కాకుండా గత వారం సీత యష్మీ టాపిక్ ని తీసుకొచ్చి, ఆమె లాంటి స్ట్రాంగ్ కంటెస్టెంట్స్ ని ట్రాప్ లో పడేసి వాళ్ళ గేమ్ ని డౌన్ చేస్తున్నావ్ అంటూ నిఖిల్ పై నిందలు వేయడం, దానికి యష్మీ సరైన స్టాండ్ తీసుకొని నిఖిల్ కోసం నిలబడకపోవడం పెద్ద మైనస్ అయ్యింది. ఈ సంఘటనతోనే ఆమె ఎలిమినేషన్ ఖరారైంది. అయితే యష్మీ మంచి అందగత్తె, ఈ సీజన్ పెద్దగా ఆసక్తికరంగా సాగకపోయినప్పటికీ, కేవలం యష్మీ అందాన్ని చూడడం కోసం షోని చూసే ఆడియన్స్ చాలా మంది ఉండేవారు. ముఖ్యంగా హాట్ స్టార్ లో లైవ్ ని ఎక్కువ శాతం మంది జనాలు యష్మీ కోసమే చూసేవారు.
బిగ్ బాస్ షోలో ఆమె టాప్ 5 లోకి రాలేకపోయినప్పటికీ, సినిమాల్లో, వెబ్ సిరీస్ లలో, సీరియల్స్ అవకాశాలు ఇప్పుడు ఆమె కోసం క్యూలు కడుతున్నాయి. బిగ్ బాస్ రియాలిటీ షోలోకి అడుగుపెట్టకముందు ఈమె స్వాతి చినుకులు, నాగ భైరవి, త్రినయని మరియు కృష్ణ ముకుంద మురారి వంటి సీరియల్స్ చేసింది. వీటిల్లో స్వాతి చినుకులు, నాగభైరవి సీరియల్స్ లో ఈమె హీరోయిన్ గా నటించగా, కృష్ణ ముకుంద మురారి సీరియల్ లో విలన్ గా నటించింది. ఇప్పుడు కొత్తగా ఆమె స్టార్ మా ఛానల్ లో రెండు సీరియల్స్ లో నటించడానికి గ్రీన్ సిగ్నల్ ఇచ్చిందట. అంతే కాకుండా ఆహా మీడియా లో ఒక వెబ్ సిరీస్ ఆఫర్ కూడా వచ్చిందట. వీటితో పాటు సినిమాల్లో కూడా అవకాశాలు క్యూ కడుతున్నట్టు సమాచారం. ఇలా బిగ్ బాస్ హౌస్ నుండి బయటకి వచ్చిన తర్వాత చేతినిండా ఆఫర్స్ తో ఉంది యష్మీ గౌడా. భవిష్యత్తులో ఈమె ఏ రేంజ్ కి వెళ్లబోతుందో చూడాలి.
