మెగా బ్రదర్ నాగబాబు మొదట నటుడిగా ప్రయత్నించి సక్సెస్ కాలేక..ఆ తరువాత మెగాస్టార్ సాయంతో నిర్మాతగా మారి పూర్తిగా నష్టపోయి.. చిట్టచివరకు జబర్దస్త్ అనే బూతు కామెడీ షో తో ఎక్కువగా పాపులర్ అయి.. మళ్ళీ ఫామ్ లోకి వచ్చారు. ఆ తరువాత మల్లెమాల సంస్థతో తనకు వచ్చిన కమ్యూనికేషన్ గ్యాప్ కారణంగా జబర్దస్త్ నుండి బయటకు వచ్చాడు. జీ టీవీ లో అదిరింది అంటూ షో అంటూ మొదలెట్టారు. పైగా ఆ అదిరింది ‘షో’ను సక్సెస్ చేయడం తన భుజాల మీద వేసుకుని ముందుకు వెళ్తున్నా.. అది సరిగ్గా వర్కౌట్ అవ్వట్లేదు.
Also Read: ‘ఆర్ఆర్ఆర్’ ఓవర్ బడ్జెట్ పై రాజమౌళి ప్లాన్ !
దీనికితోడు కరోనా కారణంగా మధ్యలో బ్రేక్ రావడంతో అదిరింది షోని జనం కూడా మర్చిపోయినట్టు అయింది. అందుకే నాగబాబు షోను లేపడానికి టాలెంట్ ఉన్న వారి కోసం గాలింపు చర్యలు కూడా ఆ మధ్య బాగానే ప్రారంభించాడు. తన యూ ట్యూబ్ చానెల్ నుంచి జబర్దస్త్, అదిరింది షో ల మాదిరిగా తన చానెల్ లో ఫన్ అండ్ కామెడీ షో ను స్టార్ట్ చేయబోతున్నానని అంటూ నాగబాబు ప్రకటన చేశారు. ఆ ప్రకటనను చూసి వచ్చిన వారిలో బెస్ట్ కామెడీ నటులను, గుడ్ కామెడీ రైటర్లను ఏరి వారిని అదిరింది షోకు పట్టుకుపోతారట.
Also Read: షూటింగుకు రెడీ అవుతున్న సూపర్ స్టార్?
దాంతో ఛాన్స్ లు కోసం వెతుకుతున్న కొత్త కుర్రాళ్ళు నాగబాబు పిలుపు విని విచ్చలవిడిగా తమ టాలెంట్ ను ఓ చిన్న వీడియోలో బంధించి నాగబాబు ఇచ్చిన మెయిల్ ఐడీకి పంపారు. ఎలాగూ నాగబాబు తన యూ ట్యూబ్ చానెల్ ను వీలయినంత పాపులర్ చేసారు కాబట్టి.. ఆ చానెల్ లో కనిపించినా తమకు గుర్తింపు వస్తోందని కొత్త కుర్రాళ్ళ ఆశ. దానికి తగ్గట్లే నాగబాబు చానెల్ కు దాదాపు మూడు లక్షల మందికి పైగా సబ్ స్క్రయిబర్లు వున్నారు. అయితే ఫ్రెషర్స్ ను ఓ ఎంట్రీ మోడ్ గా తన చానెల్ ను తయారు చేయాలని అనుకున్న నాగబాబు ఆ తరువాత ఏమైందో ఏమో సైలెంట్ అయిపోయారు. నాగబాబు స్వంత కుంపటి ఏమైంది అని నెటిజన్లు కూడా కామెంట్స్ చేస్తున్నారు.
