Virupaksha Director Karthik Varma: సినిమాల్లో వినోదం పంచడానికి డైరెక్టర్లు వింత ప్రయోగాలు చేస్తుంటారు.. అలా చేస్తేనే ప్రేక్షకులను ఆకట్టుకున్నవారవుతారు. ముఖ్యంగా థియేటర్లోకి వచ్చిన ఆడియన్స్ కు వినోదాన్ని పంచడంతో పాటు భయపెట్టడం ద్వారా వారు థ్రిల్ ఫీలవుతారు. ఇలాంటి థ్రిల్ ను చాలా మంది కోరుకుంటారు. ఈ విషయాన్ని గ్రహించి డైరెక్టర్లు కేవలం హర్రర్ సినిమాలనే తీశారు. సంచలనాల దర్శకుడు రాంగోపాల్ వర్మ ఆ మధ్య ‘దెయ్యం’తో మొదలుపెట్టి ‘ఐస్ క్రీం’ వరకు హరర్ చిత్రాలు తీశారు. ఆ తరువాత కోడిరామకృష్ణ కాస్త ఆధ్యాత్మికంను జోడించి తీసేవారు. ఇప్పుడు మరో డైరెక్టర్ ప్రేక్షకులను భయపెడుతున్నాడు. ఆయనే కార్తీక్ వర్మ. ఈ యంగ్ డైరెక్టర్ ఇటీవల తీసిన ‘విరూపాక్ష’ కు ప్రేక్షకుల నుంచి మంచి రెస్పాన్స్ వచ్చింది. ఓటీటీలోనూ హవా సాగిస్తోంది. ఈ నేపథ్యంలో నిర్మాతలు ఆయనకు బెంజ్ కారును గిప్ట్ ఇచ్చాడు. ఆ కారు విశేషాల గురించి తెలిస్తే షాక్ అవుతారు.
మెగా హీరో సాయిధరమ్ తేజ్ సినిమాల్లోకి వచ్చి చాలా ఏళ్లవుతుంది. కానీ యావరేజ్ హిట్టు తప్ప బ్లాక్ బస్టర్ ఒక్కటి తగలడం లేదు. అయితే ఇటీవల ఆయన నటించిన ‘విరూపాక్ష’ను ప్రేక్షకులు ఆదరించారు. మంచి కథతో వచ్చిన ఈ మూవీ హర్రర్ చిత్రంగా పేరొందింది. చేతబడి కాన్సెప్ట్ తో ప్రేక్షకులకు మంచి వినోదాన్ని పంచింది. ఈ నేపథ్యంలో సినిమా సక్సెస్ కావడంతో హీరో సాయిధరమ్ తేజ్ తో పాటు డైరెక్టర్ కు ప్రశంసలు దక్కుతున్నాయి. అంతేకాకుండా ఈ మూవీ ఓవరాల్ గా రూ.100 కోట్లు సాధించినట్లు సమాచారం. దీంతో తమ సినిమాను సక్సెస్ చేసినందుకు నిర్మాతలు ఆయనకు బెంజ్ కారును గిఫ్ట్ గా ఇచ్చారు.
బెంజ్ సీ క్లాస్ మోడల్ ఉన్న ఈ కారు రూ.60 నుంచి 80 లక్షల వరకు ఉంటుంది. ఈ కారుకు సంబంధించిన ఫొటోలు సోషల్ మీడియాలో వైరల్ అవుతున్నాయి. అయితే ఈ సినిమాకు స్క్రీన్ ప్లే డైరెక్టర్ సుకమార్ వహించినప్పటికీ క్రెడిట్ అంతా కార్తీక్ వర్మకే వెళ్తుంది. కానీ గురుభక్తిగా ఈ కారును కార్తీక్ వర్మ సుకుమార్, సాయిధరమ్ తేజ్ చేతుల మీదుగా అందుకున్నాడు. అయితేకార్తీక్ వర్మ మరో హర్ర్ మూవీతో ఆకట్టుకోవాలని ఈ సందర్భంగా ఆయనను కొనియాడారు.
గతంలో వరుసబెట్టి హర్రర్ చిత్రాలు వచ్చేవి. కానీ ఈ మధ్య తక్కువయ్యాయి. అయతే హర్రర్ చిత్రాలు తీసినా అందులో విషయముంటేనే ఆడియన్స్ ఆదరిస్థారు. అలా ప్రేక్షకుల మనసును దోచుకున్న కార్తీక్ వర్మ మరికొన్ని ఇలాంటి సినిమాలు తీయాలని ఈ సందర్భంగా సోషల్ మీడియాలో కామెంట్లు పెడుతున్నారు. ఈ సందర్భంగా ట్వీట్టర్ లోని తన ఖాతాలో కార్తీక్ వర్మ ‘నా జీవితంలో మరిచిపోలేని గిప్ట్ ఇది’ అంటే మెసేజ్ పెట్టాడు.
