Devara Movie TV telecast: #RRR వంటి గ్లోబల్ హిట్ తర్వాత ఎన్టీఆర్ హీరో గా నటంచిన ‘దేవర’ చిత్రం బాక్స్ ఆఫీస్ వద్ద ఎంతటి సంచలన విజయాన్ని నమోదు చేసుకుందో ప్రత్యేకించి చెప్పనవసరం లేదు. ఎన్టీఆర్ నటన , అనిరుద్ మ్యూజిక్, కొరటాల శివ మార్క్ వింటేజ్ టేకింగ్ , ఈ చిత్రాన్ని మరో లెవెల్ కి తీసుకెళ్లాయి. ఆరంభం లో డివైడ్ టాక్ వచ్చింది కానీ , ఫ్యామిలీ ఆడియన్స్ థియేటర్ కి కదిలిన తర్వాత టాక్ స్థిరపడింది. అలా టాక్ స్థిరపడిన తర్వాత ఈ చిత్రానికి అన్ని ప్రాంతీయ భాషలకు కలిపి 390 కోట్ల రూపాయిల గ్రాస్ వసూళ్లు వచ్చాయి. నెట్ ఫ్లిక్స్ లో కూడా ఈ చిత్రానికి బ్లాక్ బస్టర్ రెస్పాన్స్ రావడం గమనార్హం. అయితే ఇంతటి ఆదరణ దక్కించుకున్న ఈ చిత్రం ఇప్పటి వరకు టీవీ టెలికాస్ట్ అవ్వకపోవడం అభిమానులను నిరాశకు గురి చేసిన అంశం.
ఓటీటీ ప్రభావం వల్ల, టీవీ టెలికాస్ట్ మీద కూడా బలమైన ప్రభావం చూపడంతో , నిర్మాత కళ్యాణ్ రామ్ అడిగినంత డబ్బులు ఇచ్చేందుకు ఏ ఓటీటీ సంస్థ కూడా ముందుకు రాలేదు. అందుకే ఈ చిత్రం ఇన్ని రోజులు టెలికాస్ట్ కి నోచుకోలేదు. అయితే ఎట్టకేలకు ఈ సినిమా సాటిలైట్ రైట్స్ ని ఈటీవీ ఛానల్ సొంతం చేసుకుంది. చాలా కాలం తర్వాత ఎన్టీఆర్ సినిమాని కొనుగోలు చేసింది ఈటీవీ ఛానల్. ఇప్పటి వరకు ఆ ఛానల్ లో ‘నిన్ను చూడాలని’, ‘అల్లరి రాముడు’, ‘సింహాద్రి’ వంటి చిత్రాలు మాత్రమే టెలికాస్ట్ అయ్యాయి. ఆ తర్వాత ఒక్క ఎన్టీఆర్ సినిమా కూడా ఈటీవీ ఛానల్ కి వెళ్ళలేదు. ఇప్పుడు చాలా కాలం తర్వాత ఎన్టీఆర్ సినిమాని కొనుగోలు చేయడం తో , భారీ లాభాలు వస్తాయని బలమైన నమ్మకంతో ఉంది ఈటీవీ సంస్థ.
ఈ చిత్రాన్ని త్వరలోనే ఈటీవీ ఛానల్ లో టెలికాస్ట్ చేయబోతున్నారు. మరి థియేటర్స్ లో , ఓటీటీ లో బ్లాక్ బస్టర్ రెస్పాన్స్ ని సొంతం చేసుకున్న ఈ చిత్రానికి టీవీ టెలికాస్ట్ లో ఎలాంటి రెస్పాన్స్ వస్తుందో చూడాలి. మరోపక్క రీసెంట్ గానే ఎన్టీఆర్ , హృతిక్ రోషన్ కాంబినేషన్ లో తెరకెక్కిన ‘వార్ 2’ చిత్రాన్ని స్టార్ మా ఛానల్ లో టెలికాస్ట్ చేశారు. ఈ చిత్రానికి ఆడియన్స్ నుండి డిజాస్టర్ రెస్పాన్స్ వచ్చింది. గత ఏడాది విడుదలైన సినిమాకే ఇలాంటి రెస్పాన్స్ వచ్చిందంటే , ఇక రెండేళ్ల క్రితం విడుదలైన ‘దేవర’ ని ఆడియన్స్ ఎంతమేరకు పట్టించుకుంటారో చూడాలి.
