Thaman Bday: ప్రస్తుతం టాలీవుడ్ మ్యూజిక్ డైరెక్టర్లలో ఫుల్ ఫామ్లో ఉన్నాడు థమన్. వరుసగా స్టార్ హీరోలు, పాన్ ఇండియా చిత్రాల్లో ఛాన్స్ కొట్టేసి తనదైన బీట్స్తో కుర్రకారును ఉరకలెత్తిస్తున్నాడు. ప్రతి హీరోకి డిఫరెంట్ వేరియేషన్స్లో అదిరే ఆల్బమ్స్ ఇస్తూ వెళ్లిపోతున్నాడు. కాగా, ఈ రోజు థమన్ పుట్టినరోజు. ఈ సందర్భంగా పులువురు సినీ ప్రముఖులు, సన్నిహితులు థమన్కు విషెష్ తెలిపారు. ఈ క్రమంలోనే టాలీవుడ్ సూపర్ స్టార్ మహేశ్బాబు కూడా స్పెషల్ విషెష్ తెలియజేశారు.
వీరిద్దరి కాంబినేషన్లో సూపర్ హిట్ ఆల్బమ్స్ చాలానే వచ్చాయి. ఇప్పటి వరకు మహేశ్ సినిమాకు థమన్ అందించిన పాటలన్నీ ప్రేక్షకాదరణ దక్కించుకున్నాయి. సూపర్ టాలెంటెండ్ థమన్కు ఈ సందర్భంగా జన్మదిన శుభాకాంక్షలు తెలియజేస్తున్నానని.. తన మ్యూజిక్ మిలియన్లకి చేరుకోవాలని కోరుకుంటూ విషెష్ తెలిపారు మహేశ్.
Wishing the super talented @MusicThaman, a very happy birthday. May your music continue to reach millions! pic.twitter.com/57LQ1nlKzY
— Mahesh Babu (@urstrulyMahesh) November 16, 2021
వీరిద్దరి కాంబోలో మరో సినిమా రానున్న సంగతి తెలిసిందే. సర్కారు వారి పాటలో థమన్ సంగీతం అందిస్తున్నారు. యాక్షన్ ఎంటర్టైనర్గా పరశురామ్ దర్శకత్వంలో ఈ సినిమా తెరకెక్కుతోంది. ఇందులో కీర్తి సురేశ్ హీరోయిన్గా కనిపించనుంది. తొలిసారి మహేశ్కో కలిసి ఈ మహానటి స్క్రీన్ షేర్ చేసుకోనుంది.
బ్యాంకింగ్ సెక్టార్లో జరిగే కుంభకోణం నేపథ్యంలో తండ్రిని కాపాడుకునే కొడుగ్గా మహేశ్ ఈ సినిమాలో నటించనున్నట్లు సమాచారం. ఇప్పటికే ఈ సినిమా నుంచి విడుదలైన పోస్టర్లు సినిమాపై భారీ అంచనాలు పెంచేస్తున్నాయి. మరోవైపు ఇటీవల మహేశ్ పుట్టిన రోజు సందర్భంగా విడుదలైన సర్కారు వారి పాట టీజర్ సినిమాపై ఎక్స్పెక్టేషన్స్ను వేరే లెవెల్లో పెట్టింది. ఈ సినిమాలో మహేశ్ కొత్త లుక్తో స్టైలిష్గా కనిపించనున్నారు.
