Star kid: దేశంలో కరోనా థర్డ్ వేవ్ ఛాయలు స్పష్టంగా కన్పిస్తోంది. దీంతో కేంద్ర, రాష్ట్ర ప్రభుత్వాలు అప్రమత్తం అవుతున్నాయి. టాలీవుడ్ ఇండస్ట్రీల్లోని నటీనటులంతా వరుసగా కరోనా బారిన పడటం చూస్తుంటే థర్డ్ వేవ్ సంకేతాలు నిజమేననే అనుమానాలు కలుగుతున్నాయి. ఇటీవలే సూపర్ స్టార్ మహేష్ బాబు, మోహన్ బాబు కూతురు లక్ష్మీ మంచు, హీరోయిన్ త్రిష, ‘బాహుబలి’ కట్టప్ప సత్యరాజ్, మ్యూజిక్ డైరెక్టర్ థమన్, నటుడు రాజేంద్రప్రసాద్ కరోనా బారిన పడ్డారు. వీరంతా వైద్యుల సూచనల మేరకు హోం ఐసోలేషన్లో గడుపుతున్నారు.
క్వారంటైన్లో ఉన్న లక్ష్మీ మంచు తన రోజువారీ అప్డేట్స్ ఇన్ స్ట్రా ద్వారా అభిమానులతో పంచుకుంటున్నారు. ప్రతీరోజు యోగా, జిమ్ వంటి కార్యక్రమాలు చేస్తూనే సినిమాలు, వెబ్ సిరీసులు తిలకిస్తూ కాలక్షేపం చేస్తున్నారు. అలాగే హెల్డీ డైట్ తీసుకుంటున్నానని చెబుతున్నారు. అయితే రోజంతా ఒంటరిగా గడుపడం చాలా కష్టంగా ఉందని ఆమె చెబుతున్నారు. ఒంటరిగా జీవించడం ఎంత భయంకరమో తెలిసి వచ్చిందని పేర్కొన్నారు. మన జీవితాల్లో నుంచి కరోనా వెళ్లిపోవాలని #gocaronago అంటూ హ్యాష్ ట్యాగ్ ను జోడించింది.
లక్ష్మీ మంచు స్టార్ కిడ్ గా ఇండస్ట్రీలోకి అడుగుపెట్టారు. ‘అనగనగా ఒక ధీరుడు’ మూవీలో విలన్ గా నటించి తండ్రి తగ్గ తనయురాలు అనిపించుకున్నారు. ‘గుండెల్లో గోదారి’వంటి పలు సినిమాల్లో నటించారు. అలాగే వెబ్ సిరీసులు, టీవీ షోలు చేస్తూ వ్యాఖ్యాతగానూ గుర్తింపు తెచ్చుకున్నారు. నిత్యం తన కూతురితో సరదాగా గడుపుతూ అందుకు సంబంధించిన వీడియోలను లక్ష్మీ మంచు పోస్టు చేస్తుండేవారు. అయితే కరోనా కారణంగా ప్రస్తుతం ఆమె తన కూతురుగా దూరంగా ఉండాల్సి రావడం శోచనీయంగా మారింది.
View this post on Instagram
