మాఘమాసం ఎప్పుడొస్తుందో.. అంటూ కుర్రకారుకు హుషారెత్తించింది సింగర్ సునీత.. ఈ వేళలో నీవు ఏం చేస్తు ఉంటావో.. అంటూ.. ప్రేమ పక్షులను తన గానంతో ఆకట్టుకుంది ఈ హాట్ సింగర్… సునీత గొంతంటే ఇష్టపడనివారు ఉండరు. సునీత పాటను మెచ్చనివారు దొరకరు. నాలుగు పదుల వయసులోనూ… నవ యవ్వనంగా తన అందంతో ఆకట్టుకునే ప్రముఖ గాయని సునీత ఇటీవలే తన జీవన ప్రయాణంలో రెండో ఇన్నింగ్స్ ను ప్రారంభించారు. ప్రముఖ వ్యాపారవేత్త రామ్ వీరపనేనిని వివాహం చేసుకున్నారు.
ఆదివారం వాలెంటైన్స్ డే సందర్భంగా యాంకర్ సుమతో ఈ నూతన దంపతులు సరదాకా కాసేపు ముచ్చటించారు. ఈ సందర్భంగా సునీత భర్త రామ్ వీరపనేని తమ పెళ్లి వేడుకలకు సంబంధించిన విషయాలపై సంచలన కామెంట్ చేశారు. పెళ్లికూతురు.. తన స్నేహితులు పెళ్లిపీటలపై తనను మోసం చేశారని చెప్పుకొచ్చారు.
Also Read: హీరోయిన్ పెళ్లి వార్తలన్నీ రూమర్సే !
ఇటీవలే సింగర్ సునీత రెండో పెళ్లి చేసుకున్న విషయం తెలిసిందే.. వ్యాపారవేత్త రామ్ వీరపనేనిని ఆమె మనువాడారు. తన పెళ్లికి సంబంధించిన వ్యవహారాల తాలూకు సంగతులు.. ఫొటోలు సోషల్ మీడియాలో ఇటీవల తెగ వైరల్ అయ్యాయి.సునీత పెళ్లి గురించి పలు రకాల కామెంట్స్ సైతం వినిపించాయి. ఈ నేపథ్యంలో వీరి వివాహ సంగతులు నేటికీ.. చర్చల్లో నిలుస్తున్నాయి. తాజాగా ఈ నూతన దంపతులు మొదటిసారి ఓ వేదికపై టీవీ ముందుకు వచ్చారు. ఓ చానెల్ లో ముచ్చటించారు. పలు ఆసక్తికర విషయాలను యాంకర్ సుమతో పంచుకున్నారు.
Also Read: క‌లెక్ష‌న్ల ‘ఉప్పెన’.. నెంబ‌ర్ 1 హీరోగా వైష్ణ‌వ్..!
ప్రేమికుల రోజు సందర్భంగా రామ్ సునీత జోడీని ప్రత్యేకంగా ఇంటర్వ్యూ చేసింది యాంకర్ సుమ. ఈ ఇద్దరికీ.. వ్యక్తిగతంగా కూడా సుమ చాలా సన్నిహితురాలు కావడతో ఈ జోడీ చాలా ఓపెన్ గా ముచ్చటించింది. ఈ క్రమంలో తన పెళ్లి తంతు గురించి రామ్ మాట్లాడుతూ.. ఓ విషయాన్ని చెప్పుకొచ్చారు. పెళ్లిలో బిందెలో ఉంగరాలు వేసి తీసే సమయంలో చాలా చీటింగ్ చేశారని చెప్పారు. ఆడవాళ్లంతా మీదపడి తన చేతిని లాగేశారని ఆయన చెప్పుకొచ్చారు. దీంతో వారంతా తన చెలికత్తెలని చెబుతూ.. సునీత పంచ్ వేశారు.
మరిన్ని సినిమా వార్తల కోసం టాలీవుడ్ న్యూస్
19 ఏళ్ల వయసులో సునీత మొదటి వివాహం జరిగింది. ఇద్దరు పిల్లలు పుట్టాక భర్తతో విబేధాలు వచ్చి విడిపోయింది. తరువాత పిల్లల బాధ్యతను తీసుకుని వారిని పెంచి పెద్దవాళ్లను చేసింది. ఇప్పుడు 43 ఏళ్ల వయసులో వ్యాపారవేత్త రామ్ వీరపనేనిని రెండో వివాహం చేసుకుంది సింగర్ సునీత.
