హీరోగారి కూతురు బాగా హైలైట్ అవుతుందట !

‘రంగమార్తాండ’ ఈ టైటిల్ వినడానికి చాల వినసొంపుగా ఉంది. పైగా ఈ టైటిల్ తో క్రియేటివ్ డైరెక్టర్ తన శక్తిని అంతా ధారపోసి సినిమా చేస్తున్నాడు. కాబట్టి.. ఈ సినిమా పై మంచి అంచనాలు క్రియేట్ అయ్యే ఛాన్స్ లు ఎక్కువగా ఉన్నాయి. అందుకే తన ఇమేజ్ తో పాటు తన పైత్యాన్ని కూడా పక్కన పెట్టి.. కృష్ణవంశీ ఈ సినిమా కోసం కిందామీదా పడుతున్నాడు. ఎప్పుడూ లేనిది ఈ సినిమాకి నలుగురు రచయితలను పెట్టుకున్నాడు. కృష్ణవంశీ సినీ కెరీర్ లోనే ఈ సినిమా కోసం తీసుకున్నన్నీ జాగ్రతలు, అలాగే ఈ సినిమా కోసం పడినంత తపన మరే సినిమాకి పడలేదట.

అంతగా తపించిపోతూ చేస్తోన్న సినిమా కాబట్టి.. తన వరుస ప్లాపుల పరంపరకు బ్రేక్ పడుతుందనేది కృష్ణవంశీ ఆశ. పైగా ఇప్పటికే కెరీర్ పరంగా కూడా బాగా వెనకపడిపోయాడు. చాలా గ్యాప్ తరువాత ఆ మధ్య చేసిన నక్షత్రం సినిమా పరువు తీసింది. అది దృష్టిలో పెట్టుకుని ఈ సారి కాన్సెప్ట్ బేస్డ్ సినిమాని చేస్తున్నాడు. ప్రకాష్ రాజ్ కీ రోల్ లో ఈ రంగమార్తాండను సెట్ చేసుకున్నాడు. మరాఠీలో సూపర్ హిట్టయిన ఓ సినిమాను రంగమార్తాండగా తీసుకువస్తున్నాడు. అయితే ఈ సినిమాతో ఎలాగైనా మంచి హిట్ కొట్టాలనే కసితో పని చేస్తున్నాడు.

ఈ క్రమంలోనే ఈ సినిమా కోసం కీ రోల్స్ లో రమ్యకృష్ణను, బ్రహ్మానందంను, అనసూయలను ఎంపిక చేసుకున్నాడు. అలాగే మరో కీ రోల్ కోసం ప్రముఖ నటుడు రాజశేఖర్ కూతురు శివాత్మికాను ఎంపిక చేసుకున్నాడు. కాగా ఈ సినిమాలో శివాత్మిక పాత్ర చాల బలమైనదట, పైగా కృష్ణవంశీ ఈ పాత్రను చాల ప్రత్యేకంగా డిజైన్ చేశాడట. మొత్తానికి పాత్ర బలంగా ఉండటంతో శివాత్మిక నటన కూడా చాల బాగా ఎలివేట్ అవుతుందని.. సినిమా మొత్తంలో శివాత్మిక బాగా హైలైట్ అవుతుందని ఈ చిత్ర యూనిట్ అభిప్రాయపడుతుంది. దొరసాని సినిమాలో శివాత్మిక అద్భుతంగా నటించిన సంగతి తెలిసిందే.