Pushpa 2 Reloaded Version
Pushpa 2 Reloaded Version ఐకాన్ స్టార్ అల్లు అర్జున్ నటించిన ‘పుష్ప 2 ‘ చిత్రం ఎన్ని కొత్త సినిమాలు విడుదలైనా, ఇప్పటికీ బాక్స్ ఆఫీస్ వద్ద డామినేషన్ ని చూపిస్తూ ముందుకు దూసుకుపోవడం ట్రేడ్ పండితులను సైతం ఆశ్చర్యానికి గురి చేస్తున్న విషయం. ఈమధ్య కాలంలో ఎంత సూపర్ హిట్ సినిమాకి అయినా కేవలం రెండు వారాలకు మించి థియేట్రికల్ రన్ రావడం లేదు. అలాంటిది ఈ సినిమాకి గత 40 రోజులుగా అద్భుతమైన థియేట్రికల్ రన్ వస్తూనే ఉంది. జనాల్లో ఈ సినిమాకి ఉన్న క్రేజ్ ని బాగా గమనించిన మూవీ టీం, రీసెంట్ గానే 20 నిమిషాల అదనపు సన్నివేశాలను జత చేసి ‘పుష్ప 2 రీ లోడెడ్’ పేరుతో విడుదల చేసారు. రెస్పాన్స్ అదిరిపోయింది. ‘గేమ్ చేంజర్’, ‘డాకు మహారాజ్’ చిత్రాలకు కేటాయించిన కొన్ని స్క్రీన్స్ ని ఈ సినిమాతో రీ ప్లేస్ చేసారు.
అవి వీకెండ్స్ లో హౌస్ ఫుల్స్ అవ్వడం గమనార్హం. నిన్న సెకండ్ షో హైదరాబాద్ లోని ఆర్టీసీ క్రాస్ రోడ్స్ లో ఉండే సంధ్య థియేటర్ హౌస్ ఫుల్ అయ్యింది. దీనిని ఆ సినిమా మేకర్స్ తమ ట్విట్టర్ ఖాతాలో షేర్ చేసి ఆనందాన్ని వ్యక్తం చేశారు. కేవలం ఆ ఒక్క థియేటర్ మాత్రమే కాదు, సెకండ్ షోకి హైదరాబాద్ లోని 30 థియేటర్స్ లో ఈ చిత్రానికి హౌస్ ఫుల్ బోర్డ్స్ పడ్డాయి. దీనిని బట్టి ఈ చిత్రానికి ఆడియన్స్ లో ఎలాంటి క్రేజ్ ఉందో అర్థం చేసుకోవచ్చు. బుక్ మై షో యాప్ లో కొత్తగా విడుదలైన ‘గేమ్ చేంజర్’, ‘డాకు మహారాజ్’ చిత్రాలకు 22 నుండి 30 వేల మధ్యలో టికెట్స్ అమ్ముడుపోతుంటే, ‘పుష్ప 2 ‘ కి మాత్రం ఏకంగా 30 వేలకు పైగా టికెట్స్ అమ్ముడుపోతున్నాయి. ఈ రేంజ్ డామినేషన్ ఇప్పటి వరకు బాక్స్ ఆఫీస్ వద్ద చూపించడం నిజంగా అద్భుతమే.
ఈ థియేట్రికల్ రన్ చూస్తుంటే, ఇప్పట్లో ఈ సినిమా ఓటీటీ లోకి వచ్చేలాగా అనిపించడం లేదు. 58 రోజుల తర్వాతే ఓటీటీ లో విడుదల చేస్తామని మేకర్స్ ఇది వరకే ప్రకటించారు. అంటే అది ఫిబ్రవరి లో కావొచ్చు, మార్చి నెలలో అయినా కావొచ్చు. సాధ్యమైనంత వరకు ఈ చిత్రాన్ని ఉగాదికి ఓటీటీ లో దింపే అవకాశాలు ఉన్నాయి. నెట్ ఫ్లిక్స్ సంస్థ ఈ సినిమాకి సంబంధించిన డిజిటల్ రైట్స్ ని సుమారుగా 200 కోట్ల రూపాయిలను వెచ్చించి అన్ని ప్రాంతీయ భాషలకు కొనుగోలు చేసింది. ఓటీటీ లోకి వచ్చిన తర్వాత ఈ చిత్రానికి ఇంకా ఎక్కువ క్రేజ్ రావొచ్చు. #RRR చిత్రానికి థియేటర్స్ లో కంటే ఓటీటీ లోనే ఎక్కువ రీచ్ వచ్చింది. వెస్ట్రన్ దేశాలకు చెందిన ఆడియన్స్ ఈ చిత్రాన్ని ఎగబడి చూసారు, పుష్ప 2 కి అది రిపీట్ అయ్యే అవకాశాలు ఉన్నాయి.
Vishnuteja is a Writer Contributes Movie News. He has rich experience in picking up the latest trends in movie category and has good analytical power in explaining the topics on latest issues. He also write articles on Movie news.
Read MoreWeb Title: Pushpa 2 reloaded version which is running at the box office
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com