పవన్ కు ఆమె కావాలి.. మ‌హేష్ కు అత‌డు కావాలి!

ప‌వ‌ర్ స్టార్ ప‌వ‌న్ క‌ల్యాణ్ అప్ క‌మింగ్ మూవీస్ లో ఒక‌టి ‘అయ్య‌ప్ప‌నుమ్ కోషియం’ రీమేక్. ఈ చిత్రంలో ప‌వ‌న్ కు ప్ర‌త్య‌ర్థిగా రానా ద‌గ్గుబాటి న‌టిస్తున్నారు. అయితే.. రానాకు హీరోయిన్ ఎప్పుడో దొరికిసేంది. ఆయ‌న స‌ర‌స‌న ఐశ్వ‌ర్య రాజేష్ ను తీసుకున్నారు. కానీ.. ప‌వ‌న్ కే హీరోయిన్ దొర‌క‌ట్లేదు. ఎన్నో పేర్లు వినిపిస్తున్న‌ప్ప‌టికీ.. ఇంకా ఎవ‌రూ ఫైన‌ల్ కాలేదు. ఇప్పుడు స్పాట్ లైట్ నిత్యామీన‌న్ వ‌ద్ద ఆగిపోయింది. మ‌రి, ఆమె ఫైన‌ల్ అవుతుందా? లేదా? అన్నది చూడాలి.

ఇక‌, మ‌హేష్ హీరోగా న‌టిస్తున్న లేటెస్ట్ మూవీ ‘సర్కారు వారి పాట’. ఈ చిత్రంలో మ‌హేష్ స‌ర‌స‌న కీర్తి సురేష్ న‌టిస్తోంది. అయితే.. సూప‌ర్ స్టార్ కు ప్ర‌త్య‌ర్థి దొర‌క‌ట్లేదు. బ‌ల‌మైన విల‌న్ కోసం ఎన్నో రోజులుగా వెతుకుతున్న‌ప్ప‌టికీ.. ఎవ్వ‌రూ ఫైన‌ల్ కావ‌ట్లేదు. అర‌వింద్ స్వామి, ఉపేంద్ర‌, మాధ‌వ‌న్ అంటూ ప‌లు పేర్లు వినిపిస్తున్నాయి. మ‌రి, ఇందులో ఎవ‌రైనా ఖ‌రార‌వుతారా? మ‌రో పేరు లైన్లోకి వ‌స్తుందా? అన్న‌ది తెలియ‌దు.

ఇంకా చాలా సినిమాల‌కు ఇదే ప‌రిస్థితి ఎదురైంది. మెగాస్టార్‌-రామ్ చ‌ర‌ణ్ ‘ఆచార్య’కూ హీరోయిన్ స‌మ‌స్య వ‌చ్చింది. చిరు స‌ర‌స‌న‌ కాజ‌ల్ ముందుగానే ఎంపికైన‌ప్ప‌టికీ.. సినిమా స‌గం పూర్త‌య్యాక గానీ రామ్ చ‌ర‌ణ్ కు జోడీ సెట్ట‌వ్వ‌లేదు. చాలా రోజుల త‌ర్వాత పూజా హెగ్డే సెట్స్ లోకి వ‌చ్చింది.

ప్ర‌భాస్ ‘రాధేశ్యామ్’ సినిమా సగం పూర్త‌య్యాక మ్యూజిక్ డైరెక్ట‌ర్లను ఎంచుకున్నారు. సౌత్ కు జ‌స్టిన్ ప్ర‌భాక‌ర్‌, హిందీకి మిథున్‌, మ‌న‌న్ భ‌ర‌ద్వాజ్ ల‌ను సెల‌క్ట్ చేశారు. అల్లు అర్జున్ ‘పుష్ప’కు సైతం ఇదే ప‌రిస్థితి. ఇదేవిధంగా.. బ‌న్నీకి సైతం విల‌న్ దొర‌క‌లేదు. చాలా కాలం త‌ర్వాత ఫాహ‌ద్ ఫాసిల్ ను ఎంచుకున్నారు. వ‌చ్చే నెల‌లో ఆయ‌న షూటింగ్ లో పాల్గొనే ఛాన్స్ ఉంది.

ఈ ప‌రిస్థితికి.. స‌రైన న‌టులు దొర‌క‌క‌పోవ‌డం ఒక కార‌ణ‌మైతే.. న‌టీన‌టులు డేట్స్ అడ్జెస్ట్ కాక‌పోవ‌డం మ‌రో కార‌ణం. దీంతో.. ఓ వైపు న‌టుల కోసం సెర్చింగ్ చేస్తూనే.. మ‌రోవైపు అందుబాటులో ఉన్న‌వారి డేట్స్ వేస్ట్ కాకుండా.. షూటింగ్ కంప్లీట్ చేస్తున్నారు మేక‌ర్స్‌.