సినీ నటుడిగా పవన్ కల్యాణ్ స్టార్ డమ్ ఏంటన్నది అందరికీ తెలిసిందే. అందరికన్నా భిన్నంగా సాగిపోయే ఆయన ఫ్యాన్ ఫాలోయింగ్ చూస్తే.. ఎవ్వరికైనా మైండ్ బ్లోయింగ్ అనిపిస్తుంది. పవర్ స్టార్ రీ-ఎంట్రీ ఇచ్చిన తర్వాత అభిమానుల ఆనందానికి హద్దుల్లేకుండా పోయాయి. సోషల్ మీడియాలో వారి హంగామా ఓ రేంజ్ లో ఉంటుంది. ఇదంతా కామన్. అయితే.. ఇప్పుడు ఓ షాకింగ్ న్యూస్ వైరల్ అవుతోంది.
పాకిస్తాన్ పవన్ కల్యాణ్ ఫ్యాన్స్ పేరిట ఓ ట్విటర్ అకౌంట్ ఓపెన్ అయ్యింది. ఇది చూసిన వారంతా షాకవుతున్నారు. పవన్ స్టార్ డమ్ దేశ సరిహద్దులు దాటిపోవడంలో ఆశ్చర్యం లేదు. కానీ.. పాకిస్తాన్ పేరుతో అభిమాన సంఘం ఏర్పాటు కావడమే హాట్ టాపిక్ గా మారింది.
అంతేకాకుండా.. ‘‘ఇక మేము ట్విటర్ లో ప్రవేశించాం’’ అంటూ క్యాప్షన్ ఇవ్వడం కూడా చర్చనీయాంశంగా మారింది. దీంతోపాటు హైదరాబాద్ సైబర్ క్రైం విభాగానికి ఈ పోస్టును ట్యాగ్ చేయడం సంచలనం కలిగించింది. దీంతో.. పోలీసులు రంగంలోకి దిగారు. ఈ అకౌంట్ నిజంగానే పాకిస్తాన్ నుంచి ఓపెన్ అయ్యిందా? వేరే ఎవరైనా తెరిచారా? అని పరిశీలిస్తున్నారు.
ఇదిలాఉంటే.. సినిమాల్లోకి రీ-ఎంట్రీ ఇచ్చిన తర్వాత పవర్ స్టార్ జోరుమీదున్న సంగతి తెలిసిందే. వరుసగా నాలుగు సినిమాలను లైన్లో పెట్టాడు. తొలిసినిమా వకీల్ సాబ్ భారీ విజయం సాధించింది. దీని తర్వాత హరిహర వీరమల్లు, అయప్పనుమ్ కోషియమ్ రీమేక్ తోపాటు హరీష్ శంకర్ దర్శకత్వంలో మరో సినిమా చేయబోతున్నారు. వచ్చే నెలలో పవన్ బర్త్ డే ఉండడంతో.. ఏకే రీమేక్ టీజర్ కోసం ఫ్యాన్స్ ఈగర్ గా వెయిట్ చేస్తున్నారు.
