నయనతారకు ప్రేమ పై ఉన్న ఆసక్తి పెళ్లి మీద లేకపాయే !

లేడీ సూపర్ స్టార్ నయనతార వ్యక్తిగత జీవితం.. ముఖ్యంగా ఆమె నిజజీవిత ప్రేమ కథలు ఎప్పుడూ వార్తల్లో నిలుస్తూనే ఉంటాయి. పైగా సౌత్ సినీ ఇండస్ట్రీలోనే ఏ స్టార్ హీరోయిన్ కు లేనివిధంగా ఈ ముదురు భామకు ఫుల్ క్రేజ్ ఉంది. ప్రస్తుతం విఘ్నేష్ శివన్ తో నయనతార పీకల్లోతు ప్రేమలో మునిగితేలుతూ ఎప్పటికపుడూ మీడియాకి మంచి కంటెంట్ ను ఇస్తోంది. వీరి ప్రేమాయణం చాలా ఏళ్లుగా నడుస్తూనే ఉన్నా ఇంకా కిక్ మాత్రం తగ్గలేదు. ఇద్దరూ తరచు తమ రిలేషన్ ఎలివేట్ అయ్యేలా హాలీడే ట్రిప్పులకు, పార్టీలకు వెళ్తుంటారు. అయితే వీరి వ్యక్తిగత బంధానికి శుభం కార్డ్ పడే సమయం ఆసన్నమైందనే వార్తలు గత కొన్ని రోజులుగా కోలీవుడ్ వర్గాల్లో చక్కర్లు కొడుతూనే ఉన్నాయి.

త్వరలోనే ఈ జోడీ వివాహం చేసుకోవాలని అనుకుంటున్నారట. పెళ్లికి నయనతార తొందరపడకపోయినా విఘ్నేష్ శివన్ ఇంట్లో మాత్రం తొందరపెడుతున్నారట. అందుకే నయనతార పెళ్లికి రెడీ అవుతోందని, ఆగష్టులో వీరి వివాహం జరిగే అవకాశం ఉందని కోలీవుడ్ ఫిల్మ్ వర్గాల్లో చర్చ నడుస్తుంది. లాక్ డౌన్ కి ముందు నయనతార జంట విదేశాలకు వెళ్లి సరదాగా గడిపి వచ్చిన సంగతి తెలిసిందే. అప్పుడే వీరి ఎంగేజ్మెంట్ కూడా అయిపొయిందని కూడా కోలీవుడ్ వర్గాల్లో వినిపిస్తుంది.

మరి ఈ వార్తల్లో ఎంత నిజముందో తెలియాలంటే నయన్ లేదా విఘ్నేష్ ఎవరో ఒకరు స్పందించే వరకు ఆగాల్సిందే. ఏమైనా నయనతారకు తన పెళ్లికి వార్తలు బాగా అలవాటు అయిపోయాయి. అసలు కరెక్ట్ ఏజ్ లో పెళ్లి అయి ఉంటే.. ఈ పాటికి నయనతారకు టీనేజ్ ఏజ్ పిల్లలు ఉండేవాళ్ళేమో. కానీ ఏం చేస్తాం.. నయనతారకు ప్రేమ పై ఉన్న ఆసక్తి పెళ్లి మీద లేకపాయే.