Nagababu
Nagababu: మెగా కోడలు లావణ్య త్రిపాఠి పెళ్లి తర్వాత నటించిన మొదటి వెబ్ సిరీస్ మిస్. పర్ఫెక్ట్. బిగ్ బాస్ ఫేమ్ అభిజిత్ హీరోగా నటించిన ీ సిరీస్ కు విశ్వక్ ఖండేరావ్ దర్శకత్వం వహించారు. ఇక ఈ సిరీస్ ను అన్నపూర్ణ స్డూడియోస్ బ్యానర్ పై సుప్రియ యార్లగడ్డ నిర్మించారు. ఇక ఈ సిరీస్ ఫిబ్రవరి 2న డిస్నీప్లస్ హాట్ స్టార్ లో స్ట్రీమింగ్ అయింది. మొదటి రోజు నుంచి ఈ సిరీస్ కు మంచి పాజిటివ్ టాక్ ఉంది. ఇక తాజాగా ఈ సిరీస్ పై నాగబాబు రివ్యూ ఇచ్చారు. కోడలి వెబ్ సిరీస్ ను మామగారు మెచ్చేసుకున్నారు.
తప్పకుండా ఈ సిరీస్ చూడమని తన అభిమానులకు రిఫర్ కూడా చేశారు. ఎక్స్ వేదికగా నాగబాబు ట్వీట్ చేస్తూ..నా ఫేవరేట్ లావణ్య నటించిన ఈ అద్భుతమైన వెబ్ సిరీస్ ను ఇప్పుడే చూశాను. ఇది చూడడానికి చాలా గ్రిప్పింగ్ గా సరదాగా ఉంటుంది. హాట్ స్టార్ లో దీన్ని చెక్ చేయాలని నేను బాగా సిఫార్సు చేస్తున్నాను. అంటూ రాసుకొచ్చారు నాగబాబు. ప్రస్తుతం ఈ ట్వీట్ నెట్టంట వైరల్ గా మారింది.
ఇక మిస్ పర్ఫెక్ట్ కథ విషయానికి వస్తే.. ఒక ఓసీడీ ఉన్న అమ్మాయి.. కరోనా సమయంలో తన అపార్ట్మెంట్ లో ఉన్న చెఫ్ తో ప్రేమలో పడుతుంది. తానెవరో పనిమనిషిగా అతడికి దగ్గరవుతుంది. ఇక వీరి ప్రేమను బయటపెట్టడానికి ఒరిజినల్ పనిమనిషి, ఆమె తమ్ముడు ప్రయత్నిస్తూ ఉంటారు. చివరకు ప్రేమించిన అమ్మాయి అబద్దం చెప్పిందని హీరో ఆమెను దూరం పెడుతారు.
చివరకు ఈ జంట కలిశారా. అసలు పనిమనిషి ఎందుకు అదంతా చేయాల్సివచ్చింది అనేది కథ..? మిస్ పర్ఫెక్ట్ లావణ్యగా మెగా కోడలు అదరగొట్టింది. బోర్ కొట్టకుండా నవ్వుతూ అన్ని ఎపిసోడ్స్ చూసేయచ్చు. మరి మీరు కూడా ఈ సిరీస్ పై ఓ లుక్ వేయండి.
