Mokshagna: బాలయ్య బాబు హీరోగా వచ్చిన ప్రతి సినిమాలో ఏదో ఒక వైవిధ్యమైన కథాంశమైతే ఉంటుంది. ఆయన నుంచి సినిమా వస్తే చాలు ఆ సినిమా సూపర్ సక్సెస్ ని సాధిస్తుందనే నమ్మకమైతే ప్రేక్షకులందరిలో కలిగింది. ఎందుకంటే బాలయ్య బాబు సినిమాలకు పెద్దగా బడ్జెట్ ని కేటాయించాల్సిన పనిలేదు. ఆయన సినిమాలు మాస్ ప్రేక్షకులను విపరీతంగా అలరిస్తూ ఉంటాయి. కాబట్టి వాళ్ళు ఒకటి రెండు సార్లు బాలయ్య సినిమాని చూసి సూపర్ సక్సెస్ ని చేస్తారు. తద్వారా వాళ్ళు పెట్టిన బడ్జెట్ కూడా ఈజీగా రికవరీ అయిపోతుంది. అనే ఒక కాన్ఫిడెంట్ ప్రతి ఒక్కరికి ఉంది… ఇలాంటి క్రమంలోనే తన నట వారసుడిగా ఇండస్ట్రీకి ఎంట్రీ ఇవ్వాల్సిన మోక్షజ్ఞ సైతం ఇప్పటివరకు సినిమాని చేయడం లేదు. కనీసం అతని సినిమా సెట్స్ మీదకి కూడా వెళ్లడం లేదు. ఎప్పటికప్పుడు ఈ సంవత్సరం మోక్షజ్ఞ ఎంట్రీ ఉంటుందని వార్తలు వస్తున్నప్పటికి అవేవీ వర్కౌట్ అయితే కావడం లేదు. మరి ఇలాంటి క్రమంలోనే బాలయ్య బాబు సైతం మోక్షజ్ఞ విషయంలో చాలావరకు లేట్ చేస్తున్నాడు అంటూ చాలామంది సినిమా ప్రముఖులు సైతం వాళ్ళ అభిప్రాయాలను తెలియజేస్తున్నారు. ఇక ఇప్పుడు అందుతున్న సమాచారం ప్రకారం జూనియర్ ఎన్టీఆర్ సినిమాలో మోక్షజ్ఞ ఒక కీలకమైన పాత్రలో కనిపించబోతున్నారట. డ్రాగన్ సినిమాలో ఒక ప్రత్యేకమైన పాత్ర ఉంటుందంటూ కొన్ని వార్తలైతే వస్తున్నాయి.
ఇప్పటివరకు జూనియర్ ఎన్టీఆర్ – బాలకృష్ణ మధ్య పెద్దగా మాటలైతే లేవు. కానీ ఈ మధ్యకాలంలో వాళ్ళకి మాటలు కలిసినట్టుగా తెలుస్తుంది…బాలయ్య ఇంట్లో జరిగిన ఒక చిన్న ఫంక్షన్ కి జూనియర్ ఎన్టీఆర్ అటెండ్ అయినట్టుగా తెలుస్తుంది. అక్కడే మోక్షజ్ఞ గురించి చెప్పి మోక్షజ్ఞను డ్రాగన్ సినిమాలో ఒక క్యారెక్టర్ కోసం తీసుకున్నారట.
అంతకు ముందు నుంచే ప్రశాంత్ నీల్ ఒక స్పెషల్ క్యారెక్టర్ కోసం ఎవర్నో ఒక్క హీరోను తీసుకుందామని జూనియర్ ఎన్టీఆర్ తో మాట్లాడినప్పటికి ఇద్దరు ముగ్గురు మలయాళం హీరోలను తీసుకోవాలనే ప్రయత్నం చేశారట. దానికి జూనియర్ ఎన్టీఆర్ సైతం గ్రీన్ సిగ్నల్ ఇచ్చినట్టుగా తెలుస్తుంది. మొత్తానికైతే ఈ విషయం సినిమా రిలీజ్ అయ్యేంతవరకు ఎక్కడా కూడా బయటపడకూడదని ఒక నిబంధనతో వాళ్ళందరు వర్క్ చేస్తున్నట్టుగా తెలుస్తుంది.
మొత్తానికైతే నందమూరి ఫ్యామిలీ మొత్తం కలిసిపోయిందనే వార్తలు కూడా వస్తున్నాయి…ఈ వార్తల్లో నిజం ఉందా? లేదంటే కావాలని ఎవరైనా ఇలాంటి రూమర్ ని స్ప్రెడ్ చేశారా? అనేది తెలీదు గానీ మొత్తానికైతే వీళ్ళు కలిసిపోతే మాత్రం నందమూరి అభిమానులకు పండగనే చెప్పాలి…
