మోహన్ బాబు – మోహన్ లాల్ మధ్యలో మీనా !

మోహన్ బాబు మంచి స్నేహశీలి. పరాయి భాషా సినీ ప్రముఖులు ఎవరు హైదరాబాద్ వస్తే.. వారిని ఆత్మీయంగా తమ ఇంటికి విందుకు ఆహ్వానించి మంచి ఆదిత్యాన్ని ఇవ్వడం మోహన్ బాబుకు అలవాటు. మోహన్ బాబు లాంటి దిగ్గజ నటుడు స్వయంగా పిలిచే సరికి, వాళ్ళు కూడా కాదనలేరు. తాము ఎంత పెద్ద సూపర్ స్టార్స్ అయినా మోహన్ బాబు ఆతిథ్యాన్ని స్వీకరిస్తారు.

తాజాగా అలా స్వీకరించిన వారి లిస్ట్ లో చేరిపోయాడు ‘మోహన్ లాల్’. మోహన్ లాల్ ప్రస్తుతం ‘బ్రో డాడీ’ అనే మలయాళ సినిమాలో నటిస్తున్న సంగతి తెలిసిందే. తనకు ‘లూసిఫర్’ లాంటి భారీ హిట్ ఇచ్చిన పృథ్వి రాజ్ దర్శకత్వంలో ఈ సినిమా చేస్తున్నాడు. అయితే, ప్రస్తుతం ఈ సినిమా షూటింగ్ హైదరాబాద్ లో రామోజీ ఫిల్మ్ సిటీలో శరవేగంగా జరుగుతోంది.

View this post on Instagram

A post shared by Meena Sagar (@meenasagar16)

ఇక ఈ చిత్రంలో మోహన్ లాల్ సరసన సీనియర్ బ్యూటీ మీనా హీరోయిన్ గా నటిస్తోంది. అయితే, మీనా ద్వారా విషయం తెలుసుకున్న మోహన్ బాబు, మీనాతో పాటు మోహన్ లాల్ ని కూడా తన ఇంటికి ఆహ్వానించి మంచి పార్టీ ఇచ్చారు. ఈ సందర్భంగా ఈ ముగ్గురు ఒక ఫోటో కూడా దిగారు. ఈ ఫోటో ప్రస్తుతం సోషల్ మీడియాలో బాగా వైరల్ అవుతుంది.

ఇక ఆ మధ్య రజనీకాంత్ ‘అన్నత్తే’ షూట్ కోసం హైదరాబాద్ వచ్చినప్పుడు కూడా మోహన్ బాబు ఇంటికి వెళ్లి రెండు రోజుల పాటు అక్కడే గడిపారు. ఆ సమయంలో మోహన్ బాబు – రజినీకాంత్ చిన్నపాటి ఫోటో షూట్ లో కూడా పాల్గొన్న సంగతి తెలిసిందే. ఆ ఫోటోలను మంచు విష్ణు ట్వీట్ చేయడం, అవి కాస్త బాగా వైరల్ అవ్వడం కూడా తెలిసిందే.

View this post on Instagram

A post shared by Lakshmi Manchu (@lakshmimanchu)

మొత్తానికి మోహన్ బాబుకి నిన్నటి తరం స్టార్స్ తో మధ్య మంచి స్నేహబంధం ఉంది. ఏదొక సందర్భాన్ని క్రియేట్ చేసుకుని మరీ తరుచుగా వారిని కలుస్తూ.. వారితో ఆ స్నేహాన్ని అలాగే కొనసాగిస్తున్నారు కలెక్షన్ కింగ్.