Meher Ramesh Daughter Engagement: ప్రముఖ టాలీవుడ్ దర్శకుడు మెహర్ రమేష్ కుమార్తె మెహన కి నిన్న అనిరుద్ అనే వ్యక్తితో హైదరాబాద్ లో ఎంతో గ్రాండ్ గా నిశ్చితార్ధ వేడుక జరిగింది. అందుకు సంబంధించిన ఫోట్లోలు , వీడియోలు ఇప్పుడు సోషల్ మీడియా లో బాగా వైరల్ అయ్యాయి. ఈ వార్త బయటకు వచ్చేంత వరకు మెహర్ రమేష్ కి ఇంత పెద్ద కూతురు ఉందనే విషయం ఎవరికీ తెలియకపోవడం గమనార్హం. ఈ నిశ్చితార్ధ వేడుకకు టాలీవుడ్ కి చెందిన కొందరు సినీ ప్రముఖులు మాత్రమే కాకుండా, రాజకీయ నాయకులూ , వ్యాపారవేత్తలు కూడా హాజరయ్యారు. ఇక మెహర్ రమేష్ కూతురు మెహన ఫోటోలను చూడగానే , అచ్చు గుద్దినట్టు నాన్న పోలికలతో ఉందని, సోషల్ మీడియా లో నెటిజెన్స్ కామెంట్స్ చేస్తున్నారు. ఆ ఫోటోలను మీకోసం క్రింద అందిస్తున్నాము చూడండి.
ఇక మెహర్ రమేష్ సినిమాల విషయానికి వస్తే , ప్రస్తుతం ఈయనతో సినిమాలు చేసేందుకు ఏ హీరో ముందుకు రావడం లేదు. నిర్మాతలు అయితే మెహర్ రమేష్ పేరు చెప్తేనే పరుగులు తీసే పరిస్థితి. అలాంటి డిజాస్టర్ ఫ్లాప్స్ ని అందించాడు మరి. ఆయన గత చిత్రం ‘భోళా శంకర్’. మెగాస్టార్ చిరంజీవి హీరో గా నటించిన ఈ సినిమా , ఎంతటి ఘోరమైన డిజాస్టర్ ఫ్లాప్ అనేది ప్రత్యేకించి చెప్పనవసరం లేదు. మొదటి రోజే 30 కోట్ల రూపాయలకు పైగా షేర్ వసూళ్లను రాబట్టేంత సత్తా ఉన్న చిరంజీవి, ఈ సినిమాతో క్లోజింగ్ లో కూడా అంతటి కలెక్షన్స్ ని రాబట్టలేకపోయాడు. ఈ చిత్రానికి ముందు మెహర్ రమేష్ తీసిన శక్తి , షాడో, కంత్రి వంటి సినిమాలు ఒక దానిని మించి ఒకటి ఎంతటి డిజాస్టర్స్ గా నిలిచాయో మన అందరికీ తెలిసిందే. కెరీర్ మొత్తం ఈయన తీసిన సినిమాల్లో పర్వాలేదు అనిపించుకుంది బిల్లా మాత్రమే. ప్రభాస్ హీరో గా నటించిన ఈ సినిమా ఆరోజల్లో యావరేజ్ గా ఆడింది.
మెగా ఫ్యామిలీ తో బంధుత్వం ఉండడంతో , ఇప్పుడు మెగా ఫ్యామిలీ హీరోతోనే సినిమా చేసేందుకు విశ్వ ప్రయత్నాలు చేస్తున్నాడు. కానీ బాధ పడాల్సిన విషయం ఏమిటంటే , మెగా హీరోలు కనీసం స్టోరీ వినేందుకు కూడా ఈయనకు సమయం ఇవ్వడం లేదట. మరి ఆ రేంజ్ లో బ్రాండ్ ని క్రియేట్ చేసుకున్న మెహర్ రమేష్ భవిష్యత్తులో సినిమాలు చేస్తాడా ?, లేదంటే సినిమాలు మానేసి వేరే ఏదైనా వ్యాపారం చూసుకుంటాడా అనేది చూడాలి . కానీ ఏది ఏమైనా ఒక డైరెక్టర్ గా ఆయన కెరీర్ లో ఫెయిల్ అయ్యుండొచ్చు కానీ, వ్యక్తిగా , ఒక తండ్రిగా మాత్రం సక్సెస్ అయ్యాడు. తన కూతురికి గొప్ప సంబంధాన్ని చూసి పెళ్లి చేస్తున్నాడు. ఇంతకు మించి ఒక మనిషి జీవితం లో సాధించాల్సింది ఏముంది చెప్పండి.
