Ravi Teja: మాస్మహారాజ రవితేజ ప్రస్తుతం ఫుల్ జోష్లో ఉన్నాడు. వరుస హిట్లతో దూసుకెళ్లిపోతున్న ఈ హీరో.. వరుస సినిమాలను ఒప్పుకుని తీరక లేకుండా షూటింగ్ల్లో గడుపుతున్నాడు. కాగా, ప్రస్తుతం రవితేజ హీరోగా తెరకెక్కుతోన్న సినిమా ఖిలాడి. మరోవైపు త్రినాధ్ రావు దర్శకత్వంలో రామారావు ఆన్ డ్యూటీ అనే మరో సినిమాలోను నటిస్తున్నారు. ఈ రెండు సినిమాలు ప్రస్తుతం షూటింగ్ దశలో ఉన్నాయి. దీన్ని బట్టి మాస్ మహారాజ్ ఇటీవల కాలంలో సనిమాల ఎంపిక విషయంలో చాలా జాగ్రత్తగా ఉంటున్నట్లు తెలుస్తోంది.
ఇలా ఒక్క ఏడాదిలోనే రవితేజ నాలుగు సినిమాలు ఓకే చెప్పి.. జెట్స్పీడ్లో షూటింగ్కూడా పూర్తి చేస్తున్నారు. కాగా, తాజాగా, రామారావు ఆన్డ్యూటి సినిమాకు సంబంధించి ఆసక్తికర అప్డేట్ ప్రకటించింది చిత్రయూనిట్. డిసెంబరు 10న అంటే రేపు ఉదయం 10 గంటల 8 నిమిషాలకు ఓ మాసివ్ అనౌన్స్మెంట్ ఇస్తున్నట్టుగా ప్రకటించారు. ఈ అప్డేట్ టీజర్కానీ, ట్రైలర్ గురించి కానీ అయ్యుంటుందని పలువురు భావిస్తున్నారు. ఈ సినిమాలో మజిలీ ఫేమ్ దివ్యాహ్నా కౌశిక్ హీరోయిన్గా నటిస్తుండగా.. సామ్సి సంగీతం అందిస్తున్నారు.
కాగా, క్రాక్ సినిమాతో మంచి బ్లాక్బాస్టర్ హిట్ కొట్టిన రవితేజ.. వరుసగా సాలిడ్ కథతో ఉన్న చిత్రాలనే ఎంచుకున్నట్లు తెలుస్తోంది. మరోవైపు ఖిలాడి సినిమాలోనూ విభిన్న పాత్రలో దర్శనమివ్వనున్నట్లు తెలుస్తోంది. ఈ క్రమంలోనే ఇలాంటి తరహాలనే మాస్ యాక్షన్ చిత్రాలతో ప్రేక్షకులను అలరించాలని నిర్ణయించుకున్నట్లు కనిపిస్తోంది. మరి మాస్ మహారాజ లక్ ఎలా ఉందో తెలియాల్సి ఉంది.