నేషనల్ స్టార్ ప్రభాస్ – నాగ్ అశ్విన్ ల ప్రాజెక్ట్ పై ప్రభాస్ ఫ్యాన్స్ కు మొదటినుండీ కాస్త ఎక్కువ ఆసక్తి ఉంది. మరోపక్క ఈ సినిమా ప్రకటన చేసి చాలా రోజులవుతున్న క్రమంలో.. మళ్ళీ ఎలాంటి అప్‌డేట్‌ లేదని ఫీల్ అవుతూ ఉన్నారు అందరూ. అయితే తాజాగా ఈ సినిమా డైరెక్టర్ నాగ్ అశ్విన్ నుండి ఒక ఇంట్రస్టింగ్ అప్ డేట్ వచ్చింది. డాన్స్, జమ్నాస్టిక్స్ తెలిసి, 9-14 ఏళ్ల మధ్య వయసున్న అమ్మాయిలు కావాలంటూ నాగ్ అశ్విన్ నుంచి ప్రకటన వచ్చింది. దీంతో పాటు.. 20-35 ఏళ్ల మధ్య వయసున్న పురుష మార్షల్ ఆర్టిస్ట్స్ కావాలని కూడా పేర్కొన్నాడు.
Also Read: టీజర్ టాక్: రైతుల కష్టాలకు చెక్ పెట్టే ‘శ్రీకారం’
సో.. ప్రభాస్-నాగ్ అశ్విన్ సినిమాలో మార్షల్ ఆర్ట్స్ కూడా ఉండబోతున్నాయన్నమాట. మొత్తానికి నాగ్ అశ్విన్ అభిమానులకు గుడ్ న్యూస్ చెప్పాడు. ఇక ఈ సినిమా కథ విషయానికి వస్తే.. ఈ సినిమా నేపథ్యం మొత్తం ఓ దీవిలో జరుగుతుందని.. ఆ దివి తాలూకు సీన్స్ ఓ రేంజ్ లో ఉంటాయని, ప్రభాస్ గెటప్ కొత్తగా ఉంటుందని ఇప్పటికే వార్తలు వచ్చాయి. అలాగే నాగ్ అశ్విన్ ఓ పురాణ కథ ఆధారంగా ఈ స్క్రిప్ట్ రాసుకున్నాడని, కథలో ప్రభాస్ రెండు విభిన్న పాత్రల్లో కనిపిస్తాడని కూడా ఆ మధ్య బాగా వినిపించింది. తమ సినిమా అన్ని భాషల వారికి నచ్చే విధంగా నాగ్ అశ్విన్ సినిమాని తెరకెక్కిస్తున్నాడట.
Also Read: ఎక్స్ క్లూజివ్ : చరిత్ర కారుడిగా బాలయ్య.. పూరి కొత్త కథ !
కాగా ఈ సినిమాలో ప్రభాస్’కి అమ్మగా సీనియర్ స్టార్ హీరోయిన్ ‘రేఖ’ నటించబోతున్నట్లు వార్తలు వచ్చాయి. ఈ సినిమాలో అమితాబ్ కూడా నటిస్తున్నారు. అమితాబ్ కి భార్యగానే రేఖను తీసుకున్నారని.. వీరిద్దరిది హాట్ పెయిర్ కాబట్టి.. ఆ రకంగా సినిమాకి బాగా ప్లస్ అవుతుందని నిర్మాత అశ్వనీదత్ ప్లాన్ చేశాడట. ఇక రేఖ పాత్ర విషయానికి వస్తే.. భర్త నుండి వీడిపోయాక కొడుకుని గొప్ప యోధుడిగా తీర్చిదిద్దిన గొప్ప తల్లిగా రేఖ కనిపించబోతుందట. ఈ సినిమాని అంతర్జాతీయ స్థాయిలో నిర్మించాలని మేకర్స్.. మొత్తం సాంకేతిక బృందాన్ని కూడా హాలీవుడ్ లోని ప్రముఖులనే తీసుకుంటుంది.
మరిన్ని సినిమా వార్తల కోసం టాలీవుడ్ న్యూస్