సూపర్ స్టార్ మహేష్ బాబు ఇటీవలే ‘సరిలేరునీకెవ్వరు’ మూవీతో బ్లాక్ బస్టర్ హిట్టుందుకున్నాడు. అనిల్ రావుపూడి దర్శకత్వంలో తెరకెక్కిన ఈ మూవీలో మహేష్ సరసన రష్మిక మందన్న నటించింది. 2020 సంక్రాంతి కానుకగా ‘సరిలేరునీకెవ్వరు’ మూవీ రిలీజై ఇండస్ట్రీ రికార్డులను తిరగరాసింది. ఈ మూవీ సక్సస్ తర్వాత మహేష్ ఫ్యామిలీతో కలిసి విదేశీలకు విహారయాత్రకు వెళ్లాడు. మహేష్ తిరిగొచ్చాక మహేష్ కొత్త మూవీ స్టార్ అవుతుందని అందరూ భావించారు. అయితే అనుకున్న సమయానికి దర్శకుడు వంశీ పైడిపల్లి స్క్రీప్ట్ రెడీ కాకపోవడంతో మూవీ ఆలస్యమైంది. ఈ గ్యాప్ మహేష్ పలువురి దర్శకుల కథలను విన్నాడు. దర్శకుడు పరుశురామ్ చెప్పిన కథ నచ్చడంతో మహేష్ బాబు అతడికి గ్రీన్ సిగ్నల్ ఇచ్చాడు.
ఇదిలా ఉండగా సూపర్ స్టార్ కృష్ణ జన్మదినానికి మహేష్ బాబు ప్రతీయేటా ఏదోఒక అప్డేట్ ఇస్తుంటాడు. మహేష్ మూవీకి సంబంధించిన ఫస్టు లుక్, ట్రైలర్, టీజర్, రిలీజ్ డేట్ వంటి ఏదొక అప్డేట్ ఇస్తూ కృష్ణ అభిమానులను మహేష్ సర్ ప్రైజ్ చేస్తుంటాడు. ఈనెల 31న సూపర్ స్టార్ కృష్ణ జన్మదినాన్ని పురస్కరించుకొని మహేష్ బాబు కొత్త మూవీని ప్రారంభించనున్నట్లు ప్రచారం జరుగుతోంది. ప్రస్తుతం లాక్డౌన్ కారణంగా సినిమా షూటింగులన్నీ వాయిదాపడిన సంగతి తెల్సిందే. కేవలం మహేష్ కొత్త మూవీకి సంబంధించి అనౌన్స్ మెంట్ ఇవ్వడమే కాకుండా సినిమాను ప్రారంభించేందుకు సిద్ధపడుతుండటం విశేషం. దీంతో దర్శకుడు పర్శురామ్ మే 31న సినిమాను కొంతమంది సమక్షంలో ప్రారంభించేందుకు సిద్ధపడుతున్నాడు.
మే 31తో దేశంలో లాక్డౌన్ 4.0 ముగియనుంది. ఇప్పటికే లాక్డౌన్లో భాగంగా కేంద్ర, రాష్ట్ర ప్రభుత్వాలు అనేక సడలింపులు ఇచ్చారు. నాలుగో విడుత లాక్డౌన్ తర్వాత షూటింగులకు అనుమతి ఇచ్చే అవకాశం ఉంది. ఈనేపథ్యంలో మహేష్ బాబు తన కొత్త మూవీని మే 31న ప్రారంభించి లాక్డౌన్ అనంతరం రెగ్యూలర్ షూటింగు ప్రారంభించాలని చూస్తున్నారు. ఎలాగూ మహేష్ బాబుకు తన కొత్త మూవీ పూజా కార్యక్రమాల్లో పాల్గొనే అలవాటు లేదు. తొలి నుంచి మహేష్ బాబు ఇది సెంటిమెంట్ గా వస్తోంది. దీంతో మే 31న మహేష్ బాబు కొత్త మూవీ ప్రారంభం కావడం ఖాయమని ఫిల్మ్ వర్గాల్లో టాక్ విన్పిస్తుంది. మరో పదిరోజుల్లో మహేష్ బాబు కొత్త మూవీ స్టాట్ అవుతుండటంతో అభిమానులు ఖుషీ అవుతున్నారు.
