KGF Chapter2: ప్రస్తుతం భారతీయ సినిమా ప్రేక్షకులు ఎంతో ఆసక్తిగా ఎదురుచూస్తున్న భారీ ప్రాజెక్టుల్లో ఆర్ఆర్ఆర్ ఒకటైతో.. ఇంకొటి కేజీఎఫ్ పార్ట్ 2. దర్శకధీరుడు రాజమౌళి ప్రతిష్టాత్మకంగా తెరకెక్కించిన సినిమా ఆర్ఆర్ఆర్.. ఇందులో రామ్చరణ్, తారక్ హీరోలుగా నటిస్తున్న సంగతి తెలిసిందే. ఇప్పటికే ఈ సినిమా నుంచి వచ్చిన పాటలు, టీజర్లు నెట్టింట ఓ ఊపు ఊపాయి. కాగా ఇటీవలే ఈ సినిమా నుంచి వచ్చి ట్రైలర్ అందరి అంచనాలను పెంచేసింది. మరోవైపు కేజీఎఫ్ కూడా అంతో భారీ క్రేజ్ను సంపాదించుకున్న సంగతి తెలిసిందే.. ప్రశాంత్ నీల్ దర్శకత్వంలో జీఎఫ్ చాప్టర్ 1 కి సీక్వెల్ గా “కేజీఎఫ్ చాప్టర్ 2” తెరకెక్కనుంది. ఇప్పటికీ ఈ సినిమా షూటింగ్ పూర్తి చేసుకున్న చిత్రయూనిట్… ప్రస్తుతం పోస్ట్ ప్రొడక్షన్ పనుల్లో బిజీగా ఉంది.
Also Read: తండ్రిని గుర్తు చేసుకుంటూ ఎమోషనల్ పోస్ట్ పెట్టిన అనసూయ…
ఆర్ఆర్ఆర్ను వచ్చే ఏడాది సంక్రాంతికి విడుదల చేస్తున్న సంగతి తెలిసిందే. ఈ క్రమంలోనే ప్రమోషన్స్లో కూడా ఫుల్ జోష్ పెంచాడు రాజమౌలి. మరోవైపు ప్రశాంత్ నీల్ తెరకెక్కిస్తోన్న ఈ బిగ్గెస్ట్ మూవీని ప్రపంచవ్యాప్తంగా వచ్చే ఏడాది ఏప్రిల్ 14న విడుదల చేయనున్నారు. అయితే, ఈ సినిమా రిలీజ్పై మరో ఆసక్తికర విషయం వెలుగులోకి వచ్చింది. ఈ చిత్రాన్ని ప్రపంచవ్యాప్తంగా 3డీలో కూడా విడుదల చేసేందుకు సన్నాహాలు చేస్తోందట చిత్రబృందం.
ఇప్పటికే ఆర్ఆర్ఆర్ సినిమాను 3డీలో కన్ఫర్మ్ చేసింది.. కెజీఎఫ్ చాప్టర్2 కూడా ఇదే బాటను అనుసరించనున్నట్లు తెలుస్తోంది. మొదట వీటిని 3డీలో విడుదల చేయాలని అసలు అనుకోలేదు.. కానీ, ఈ ప్లాన్ మంచిదే అనిపించి.. మేకర్స్ సిద్ధమైనట్లు తెలుస్తోంది. మరి ఇన్ని అంచనాల మధ్య వస్తోన్న ఈ రెండు చిత్రాలు ఎలా అలరిస్తాయో చూడాలి.
Also Read: సోషల్ మీడియా లో వైరల్ గా మారిన ఊ అంటావా సాంగ్ మేల్ వెర్షన్…
