Keerthi Suresh: ఎనర్జిటిక్ స్టార్ రామ్ సరసన నేను శైలజ సినిమాతో తెలుగు ప్రేక్షకులకు పరిచయమైంది కీర్తి సురేష్. ఆ తర్వాత వరుస సినిమాలతో తెలుగులో మంచి నటిగా గుర్తింపు తెచ్చుకుంది కీర్తి. నాగ్ అశ్విన్ తెరకెక్కించిన మహానటి సినిమాతో జాతీయ ఉత్తమ నటిగా అవార్డు అందుకుంది కీర్తి సురేష్. ఆ తర్వాత కీర్తి దేశ వ్యాప్తంగా ప్రశంసలు అందుకుంది. అయితే ఆ తర్వాత ఎక్కువగా లేడి ఓరియంటెడ్ చిత్రాలలో నటించింది ఈ భామ. పెంగ్విన్, మిస్ ఇండియా సినిమాలు ఆశించిన స్థాయిలో ఆకట్టుకోలేకపోయాయి.
కాగా ప్రస్తుతం కీర్తి సురేష్ నటిస్తోన్న చిత్రం ” గుడ్ లక్ సఖి “. ఈ చిత్రంలో ఆది పినిశెట్టి, జగపతి బాబు కీలక పాత్రల్లో కనిపించనున్నారు. తాజాగా ఈ సినిమా విడుదలకు సంబంధించిన అప్డేట్ వచ్చింది. ఇది వరకు నవంబర్ 26న ఈ సినిమాని విడుదల చేస్తామని చిత్ర బృందం ప్రకటించింది. కానీ ప్రస్తుతం ఉన్న పరిస్థితుల దృష్ట్యా ఈ చిత్రాన్ని డిసెంబర్ 10న విడుదల చేయబోతోన్నట్టు మేకర్లు వెల్లడించారు. ఈ మేరకు నిర్మాత సుధీర్ చంద్ర సోషల్ మీడియా వేదికగా ఓ పోస్ట్ పెట్టారు. ఆ పోస్ట్ లో ‘పలు కారణాల వల్ల ఈ సినిమాను వాయిదా వేశాం. మరికొన్ని సినిమాలు విడుదలకు సిద్దంగా ఉన్నాయి, థియేటర్ల సమస్య ఏర్పడకుండా ఉండేందుకు, భారీ ఎత్తున ఈ చిత్రాన్ని విడుదల చేసేందుకు ఇలా అన్ని కోణాల్లో ఆలోచించి ఈ నిర్ణయాన్ని తీసుకున్నాం అని తెలిపారు.
#GoodLuckSakhi Update! 📢
Owing to many reasons, being able to manage Good Theatre space across languages, #GoodLuckSakhi is releasing across the WORLD theatrically on "10th Dec".
Stay with us for the Amazing Theatrical Experience!#GoodLuckSakhiOn10thDec pic.twitter.com/XyKbZm5c6q
— Worth A Shot (@WorthAShotArts) November 15, 2021
ఈ సినిమా ప్రేక్షకులందరికి అద్భుతమైన అనుభూతిని ఇస్తుందని నమ్ముతున్నామని అన్నారు. నగేష్ కుకునూర్ దర్శకత్వం వహిస్తున్న ఈ మూవీ ని నిర్మాత దిల్రాజు సమర్పణలో ‘వర్త్ ఏ షాట్ మోషన్ ఆర్ట్స్’ బ్యానర్ పై సుధీర్ చంద్ర పదిరి నిర్మిస్తున్నారు. ఇప్పటి వరకు ఈ చిత్రం నుంచి విడుదల చేసిన టీజర్, పోస్టర్లకు ప్రేక్షకుల నుంచి మంచి స్పందన లభించింది.
