పెళ్లి అయ్యాక హీరోయిన్లకు డిమాండ్లు తగ్గుతాయి. పైగా, ముప్పై ఐదేళ్ళ ముదురు భామకు ఇక ఎందుకు కోట్లు ఇస్తారు ? కాబట్టి, వయసు అయిపోయిన భామలు ఇక సైలెంట్ గా రెమ్యునరేషన్ ను తగ్గించుకుని కొత్త అవకాశాల కోసం కసరత్తులు చేసుకోవాలి. లేదు అంటే.. వాళ్లకు సైడ్ క్యారెక్టర్స్ కూడా రావు. ప్రస్తుతం భూమిక లాంటి ముదురు బ్యూటీల పరిస్థితి ఇదే.
కానీ, కాజల్, తమన్నా, శృతి హాసన్ లాంటి ఎప్పుడో ముదిరిపోయిన హీరోయిన్లు మాత్రం ఇప్పటివరకు తమ పారితోషికాన్ని తగ్గించుకోవడానికి ఆసక్తి చూపించలేదు. పైగా స్టార్ హీరోయిన్ రేంజ్ లో క్రేజ్ లేకపోయినా ఒక లక్ష ఎక్కువే అడుగుతూ నిర్మాతలను నానా ఇబ్బందులు పెడుతున్నారు. అందుకే నిర్మాతలు కూడా రష్మిక మండన్నా, నభా లాంటి కొత్త భామలను స్టార్ హీరోల సరసకు తెస్తూ బడ్జెట్ ను కంట్రోల్ లో పెడుతున్నారు.
ఇదంతా అర్ధం చేసుకున్న కాజల్ అగర్వాల్ మొత్తానికి తన రేటును తగ్గించింది. ఉన్నట్టు ఉండి రెమ్యునరేషన్ లో కోత విధించుకోవడానికి కారణం పెళ్లి చేసుకోవడం. పెళ్లి చేసుకున్న ఆర్నెళ్ల తర్వాత ఈ నిర్ణయం తీసుకుంది కాజల్. ఎందుకంటే అమ్మడుకు పెళ్లి తరువాత ఒక్క పెద్ద ఛాన్స్ కూడా రాలేదు. ఫోన్ చేసి ఛాన్స్ లు అడుగుతుంటే.. ఫస్ట్ ఫ్యామిలీ లైఫ్ ని ఎంజాయ్ చేయండి అంటూ తెలివిగా ఆమెను సైడ్ చేస్తున్నారు మేకర్స్.
ఈ కరోనా సెకెండ్ వేవ్ తో సినిమాల నిర్మాణం ఆగిపోయింది. దీంతో సీనియర్ హీరోయిన్ల సంపాదనకు ఇది పెద్ద కష్టకాలంగా తయారైంది. అందుకే దర్శకనిర్మాతల ఫోకస్ అంతా క్రేజున్న యంగ్ హీరోయిన్ల పైకే పోయింది. అందుకే కాజల్ అగర్వాల్ ముందే మేల్కొని మొత్తానికి తన రెమ్యునరేషన్ ను తగ్గించుకుంది. అమ్మడు తగ్గించుకోగానే నిర్మాతలు వరుసగా ఫోన్లు చేసి డేట్స్ అడుగుతున్నారట.
Web Title: Kajal agarwal reduced remuneration
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
