Jailer Collections: బాక్సాఫీస్ వద్ద జైలర్ కలెక్షన్స్ సునామీ కొనసాగుతుంది. చాలా కాలం తర్వాత రజినీకాంత్ తన మార్క్ చూపాడు. సరైన సినిమా పడితే ఏ స్థాయి వసూళ్లు సాధిస్తాడో నిరూపించాడు. ఏడు రోజుల్లో జైలర్ మూవీ ఏకంగా రూ. 450 కోట్లు కొల్లగొట్టింది. వరల్డ్ వైడ్ జైలర్ సత్తా చాటుతుంది. తమిళనాడు, తెలుగు రాష్ట్రాలతో పాటు ఓవర్సీస్ లో జైలర్ వసూళ్లు తగ్గు ముఖం పట్టిన దాఖలాలు లేవు. ఇప్పటికే కమల్ హాసన్ విక్రమ్ రికార్డును జైలర్ అధిగమించింది. విక్రమ్ లైఫ్ టైం రూ. 410 కోట్ల వసూళ్లు రాబట్టింది.
కేవలం ఆరు రోజుల్లో జైలర్ రూ. 416 కోట్లు జైలర్ రాబట్టింది. ఇక తెలుగు రాష్ట్రాల్లో జైలర్ భారీ లాభాలు పంచుతుంది. ఇప్పటికే రూ. 53 కోట్లకు పైగా గ్రాస్ వసూళ్లు రాబట్టింది. నైజాం రూ. 15 కోట్ల షేర్ అందుకుంది. జైలర్ తెలుగు హక్కలు చాల తక్కువ ధరకు దిల్ రాజు సొంతం చేసుకున్నారు. ఆయనకు జైలర్ బంగారు గనిలా దొరికింది.
చూస్తుంటే ఈ వారం కూడా జైలర్ దే. తెలుగు, తమిళ భాషల్లో చెప్పుకోదగ్గ చిత్రాల విడుదల లేదు. భోళా శంకర్ పూర్తిగా చేతులెత్తేసింది. దీంతో జైలర్ కి ఎదురులేకుండా పోయింది. నెక్స్ట్ జైలర్ పొన్నియిన్ సెల్వన్ 1 రికార్డు పై కన్నేసింది. ఆ మూవీ రూ. 500 కోట్లకు పైగా వసూళ్లు రాబట్టగా జైలర్ మరో రెండు రోజుల్లో ఆ ఫీట్ చేరుకునే సూచనలు కనిపిస్తున్నాయి.
జైలర్ చిత్రానికి నెల్సన్ దిలీప్ కుమార్ దర్శకుడు. రజినీకాంత్ రిటైర్డ్ జైలర్ రోల్ చేశారు. మోహన్ లాల్, శివరాజ్ కుమార్ గెస్ట్ రోల్స్ తో అదరగొట్టారు. రమ్యకృష్ణ, తమన్నా, సునీల్ కీలక రోల్స్ చేశారు. జైలర్ చిత్రానికి అనిరుధ్ సంగీతం ఆయువు పట్టులా నిలిచింది. సన్ పిక్చర్స్ జైలర్ మూవీ తెరక్కించారు.
