NTR(12)
NTR: దేవర సక్సెస్ ఎంజాయ్ చేస్తున్నాడు ఎన్టీఆర్. సోలోగా అతిపెద్ద హిట్ నమోదు చేశాడు. దేవర మూవీ వరల్డ్ వైడ్ రూ. 500 కోట్లకు పైగా గ్రాస్ రాబట్టింది. తెలుగు రాష్ట్రాల్లో, యూఎస్ లో భారీ ఆదరణ దక్కించుకుంది. ఇక నార్త్ లో సైతం సత్తా చాటింది. దేవర హిందీ వెర్షన్ రూ. 60 కోట్ల నెట్ వసూళ్లు రాబట్టినట్లు సమాచారం. నిజానికి దేవర మిక్స్డ్ టాక్ తెచ్చుకుంది. మూవీకి హిట్ టాక్ వస్తే కలెక్షన్స్ మరో రేంజ్ లో ఉండేవి. ఏదేమైనా దేవర నిర్మాతలకు లాభాలు పంచింది.
ప్రస్తుతం ఎన్టీఆర్ వార్ 2 షూటింగ్ లో పాల్గొంటున్నారు. హృతిక్ రోషన్ తో కలిసి చేస్తున్న ఈ మల్టీస్టారర్ పై ఇండియా వైడ్ క్రేజ్ నెలకొంది. అవుట్ అండ్ అవుట్ యాక్షన్ ఎంటర్టైనర్ గా తెరకెక్కుతున్న ఈ చిత్రంలో ఫైట్స్, ఎన్టీఆర్-హృతిక్ డాన్సులు హైలెట్ కానున్నాయి. ఈ ఏడాది వార్ 2 థియేటర్స్ లోకి రానుంది. వార్ 2 అనంతరం ఎన్టీఆర్ దర్శకుడు ప్రశాంత్ నీల్ తో మూవీ చేయనున్నారు. ఈ కాంబోపై ప్రకటన జరిగి చాలా కాలం అవుతుంది.
సలార్ కి ముందే ఎన్టీఆర్-ప్రశాంత్ నీల్ మూవీ రావాల్సింది. ఎన్టీఆర్ ఆర్ ఆర్ ఆర్ నుండి బయటకు రావడానికి ఆలస్యమైంది. ఆ లోపు ప్రశాంత్ నీల్ సలార్ పూర్తి చేశారు. ఇక మాఫియా బ్యాక్ డ్రాప్ లో ఈ చిత్రం ఉంటుందట. చైనా, భూటాన్ దేశాలను గడగడలాడించిన డ్రగ్ మాఫియా కింగ్ జీవితం ఆధారంగా ప్రశాంత్ నీల్ ఈ చిత్రం తెరకెక్కిస్తున్నారని టాక్. కాగా ఈ చిత్రంలో విలన్ గా ఓ సూపర్ స్టార్ ని సంప్రదించారట. ఆయనెవరో కాదు అమీర్ ఖాన్.
ఖాన్ త్రయం లో అమీర్ ఖాన్ ఒకరు. ఇండియా వైడ్ పాపులారిటీ ఉన్న హీరో. ఎన్టీఆర్ మూవీలో విలన్ రోల్ కోసం అమీర్ ఖాన్ ని ప్రశాంత్ నీల్ సంప్రదించాడు అనేది లేటెస్ట్ న్యూస్. అమీర్ ఖాన్ అందుకు ఒప్పుకున్నారా లేదా? అనే సంగతి తెలియదు. ఒకవేళ ఎన్టీఆర్-అమీర్ ఖాన్ కాంబో సెట్ అయితే సిల్వర్ స్క్రీన్ షేక్ కావడం ఖాయం. 2023లో అమీర్ ఖాన్ నటించిన లాల్ సింగ్ చద్దా డిజాస్టర్ అయ్యింది. దాంతో కొన్ని రోజులు ఆయన బ్రేక్ తీసుకున్నారు. ప్రస్తుతం సితారే జమీన్ పర్ టైటిల్ తో మూవీ చేస్తున్నారు. ఈ చిత్రానికి ఆయన నిర్మాత కూడాను.
Web Title: Is prashant neel the countrys biggest hero planning in this range as a villain for ntr
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
