India Today Conclave : Ram Charan : #RRR మూవీ కి రీసెంట్ గానే ‘బెస్ట్ ఒరిజినల్ సాంగ్’ క్యాటగిరీ లో ‘నాటు నాటు’ పాటకి ఆస్కార్ అవార్డు వచ్చిన సంగతి అందరికీ తెలిసిందే.కేవలం తెలుగు వాళ్ళు మాత్రమే కాకుండా ప్రపంచం మొత్తం ఊగిపొయ్యెలా చేసిన ఈ పాటకి అంత అద్భుతమైన రెస్పాన్స్ వచ్చింది అంటే దానికి కారణం ఎన్టీఆర్ మరియు రామ్ చరణ్ మాత్రమే.
వాళ్ళు వేసిన అద్భుతమైన డ్యాన్స్ వల్లే ఇది సాధ్యపడింది.రాజమౌళి విజన్, ప్రేమ్ రక్షిత్ మాస్టర్ కొరియోగ్రఫీ మరియు రామ్ చరణ్ – ఎన్టీఆర్ మెరుపు వేగంతో వేసిన స్టెప్పులు, ఈ పాటకి ఆస్కార్ అవార్డుని తెచ్చిపెట్టేలా చేసింది.అయితే ఆస్కార్ అవార్డ్స్ ఈవెంట్ అయిపోయిన తర్వాత ఎన్టీఆర్ మరియు మూవీ టీం మొత్తం హైదరాబాద్ కి చేరుకున్నారు.కానీ రామ్ చరణ్ కి మాత్రం ఢిల్లీ లో నేడు నిర్వహించిన ‘ఇండియా టుడే కాంక్లేవ్’ మీటింగ్ లో పాల్గొనేందుకు ఆహ్వానం దక్కింది.
అక్కడ వేదిక మీద కాసేపటి వరకు జరిగిన చిట్ చాట్ లో రామ్ చరణ్ పాల్గొన్నారు.#RRR మూవీ తో తనకి ఏర్పడిన జ్ఞాపకాలు మరియు ఎన్టీఆర్ , రాజమౌళి తో గడిపిన మధుర క్షణాలతో పాటుగా భవిష్యత్తులో చెయ్యబొయ్యే ప్రాజెక్ట్స్ గురించి కూడా చెప్పుకొచ్చాడు.అయితే ఇంటర్వ్యూ అయిపోయిన తర్వాత చివర్లో ఆయనని ఇండియా టుడే వారు ‘నాటు నాటు’ పాటలోని హుక్ స్టెప్ ని వేయాల్సిందిగా కోరారు.అప్పుడు రామ్ చరణ్ మాట్లాడుతూ ‘నిజంగా నాకు స్టెప్పు గుర్తు లేదు సార్.ఇలాంటి వేదికల మీద అసలు వెయ్యలేను’ అంటూ చెప్పుకొచ్చాడు.
కానీ ‘వెయ్యాలి వెయ్యాలి’ అంటూ అక్కడ అన్నవాళ్ళందరూ పట్టుబట్టడం తో ‘నాటు నాటు’ పాటకి స్టెప్పులు వెయ్యాల్సి వచ్చింది.కానీ ఆయన వేసిన స్టెప్పులు మర్చిపోయి వేసినట్టే అనిపించింది.ఎన్టీఆర్ #RRR మూవీ ఇంటర్వ్యూస్ అప్పుడే చెప్పాడు, రామ్ చరణ్ కి మతిమరపు ఎక్కువ అని, అది ఈరోజు నేషనల్ మీడియా సాక్షిగా బయటపడింది.
