Homeఎంటర్టైన్మెంట్Obsession Movie: OTT లోకి గ్రాండ్ ఎంట్రీ ఇచ్చిన హాలీవుడ్ సెన్సేషన్ 'అబ్సెషన్'.. ఎందులో చూడాలంటే..

Obsession Movie: OTT లోకి గ్రాండ్ ఎంట్రీ ఇచ్చిన హాలీవుడ్ సెన్సేషన్ ‘అబ్సెషన్’.. ఎందులో చూడాలంటే..

Obsession Movie: కేవలం 7 కోట్ల రూపాయిల బడ్జెట్ తో హాలీవుడ్ లో కర్రీ బార్కర్ అనే ఒక యూట్యూబర్ తెరకెక్కించిన ‘అబ్సెషన్’ అనే చిత్రం ప్రపంచవ్యాప్తంగా 2000 కోట్ల రూపాయలకు పైగా గ్రాస్ వసూళ్లను రాబట్టిన ఘటన యావత్తు సినీ లోకాన్ని షాక్ కి గురయ్యేలా చేసింది. ఇందులో హీరో గా మైఖేల్ జాన్సన్ నటించగా, హీరోయిన్ గా ఇండే నవారెట్టే నటించింది. ఒక విధంగా చెప్పాలంటే ఈ చిత్రానికి హీరోయినే విలన్ అని చెప్పొచ్చు. దర్శకుడి ప్రతిభ, నటీనటుల అద్భుతమైన పెర్ఫార్మన్స్ కారణంగా ఈ చిత్రం ఆడియన్స్ కి అద్భుతమైన థియేట్రికల్ అనుభూతిని కలిగించింది. ఆ కారణం చేతనే ఇప్పటికీ ఈ చిత్రం థియేటర్స్ లో విజయవంతంగా ప్రదర్శింపబడుతోంది. కేవలం ఒక్క హైదరాబాద్ సిటీ లోనే ఈ చిత్రం 53 షోస్ తో రన్ అవుతోంది అంటే సాధారణమైన విషయం కాదు.

సినిమా విడుదలై నెల రోజులు దాటింది , ఇప్పటికీ ఈ చిత్రం బుక్ మై షో యాప్ లో ట్రెండ్ అవుతూనే ఉంది. గడిచిన 24 గంటల్లో 7 వేలకు పైగా టికెట్స్ అమ్ముడుపోయాయి. వీకెండ్స్ వస్తే హౌస్ ఫుల్స్ ని కూడా నమోదు చేసుకుంటోంది ఈ చిత్రం. కేవలం ఇండియన్ బాక్స్ ఆఫీస్ నుండే ఈ చిత్రానికి ఇప్పటి వరకు వంద కోట్ల రూపాయలకు పైగా గ్రాస్ వసూళ్లు వచ్చాయి. కేవలం ఇంగ్లీష్ వెర్షన్ నుండి ఈ రేంజ్ గ్రాస్ వసూళ్లు రావడం అనేది సాధారమైన విషయం కాదు. అయితే ఇంతటి అద్భుతమైన రన్ ఉన్నప్పటికీ ఈ చిత్రాన్ని ఓటీటీ లో విడుదల చేశారు మేకర్స్. అమెజాన్ ప్రైమ్ వీడియో లో ఈ చిత్రం రెంట్ రూపం లో అందుబాటులోకి వచ్చింది. మూవీ లవర్స్ కి ఇక పండగే అనుకోవచ్చు. థియేటర్స్ లో వసూళ్ల సునామీ ని సృష్టించిన ఈ చిత్రం , ఓటీటీ ఆడియన్స్ నుండి ఎలాంటి రెస్పాన్స్ ని సొంతం చేసుకుంటుందో చూడాలి.

ఇక ఈ సినిమా కథ విషయానికి వస్తే బీర్ అనే మ్యూజిక్ స్టోర్ ఉద్యోగి ‘వన్ విష్ విల్లో’ అనే బొమ్మ ని కొంటాడు. అతనికి తన స్నేహితురాలు నిక్కీ అంటే మొదటి నుండి ఎంతో ఇష్టం. ఆమెకు ప్రపోజ్ చేసే ధైర్యం లేక , ‘వన్ విష్ విల్లో’ బొమ్మని , ఆమెని తన ప్రేయసి గా చేయాల్సిందిగా కోరుకుంటారు. ఆ బొమ్మ బీర్ కోరికని తీరుస్తుంది. ఇక ప్రేయసి గా బీర్ జీవితం లోకి వచ్చిన నిక్కీ , అతనికి ప్రతీ రోజు చుక్కలు చూపించడం మొదలు పెడుతోంది. అతని కోరిక ఎంత ప్రమాదకరమైనదో తెలుసుకొని బీర్ పడే మనోవేదనే ఈ సినిమా. హారర్ చిత్రం కాదు కానీ , హారర్ థ్రిల్లింగ్ ఫీలింగ్ ని ఇస్తుంది ఈ చిత్రం.

Vishnu Teja
Vishnu Teja
Vishnuteja is a Writer Contributes Movie News. He has rich experience in picking up the latest trends in movie category and has good analytical power in explaining the topics on latest issues. He also write articles on Movie news.

LEAVE A REPLY

Please enter your comment!
Please enter your name here

RELATED ARTICLES

Most Popular