Chiranjeevi Samantha: ప్రతీ ఏడాది లాగానే ఈ ఏడాది కూడా టాలీవుడ్ లో సక్సెస్ రేట్ చాలా తక్కువగా నమోదు అయ్యిందనే చెప్పాలి. సంక్రాంతి సీజన్ ముగిసిన తర్వాత టాలీవుడ్ ఒక పెద్ద సంక్షోభాన్ని ఎదురుకుంది. చేసిన ప్రతీ సినిమా డిజాస్టర్ ఫ్లాప్ గా మిగలడమే కాకుండా, బయ్యర్స్ కి కనీసం డబ్బులు రొటేషన్ కూడా చేసుకోలేని పరిస్థితి కలిగింది. అయితే ఈ ఏడాది బయ్యర్స్ కి భారీ లాభాలను తెచ్చి పెట్టిన సినిమాలు ఏంటో ఒకసారి చూద్దాం. ముందుగా మెగాస్టార్ చిరంజీవి హీరో గా నటించిన ‘మన శంకర వరప్రసాద్ గారు’ చిత్రం గురించి మాట్లాడుకోవాలి. సంక్రాంతి కానుకగా విడుదలైన ఈ చిత్రం బాక్స్ ఆఫీస్ వద్ద 304 కోట్ల రూపాయిల గ్రాస్ వసూళ్లు , 183 కోట్ల రూపాయలకు పైగా షేర్ వసూళ్లను రాబట్టింది. విడుదలకు ముందు ఈ చిత్రానికి జరిగిన ప్రీ రిలీజ్ థియేట్రికల్ బిజినెస్ 122 కోట్ల రూపాయిలు మాత్రమే.
అంటే దాదాపుగా 61 కోట్ల రూపాయలకు పైగా లాభాలు అన్నమాట. ఇక అదే సంక్రాంతికి విడుదలైన నవీన్ పోలిశెట్టి ‘అనగనగా ఓకే రాజు’ చిత్రం కూడా భారీ బ్లాక్ బస్టర్ గా నిల్చింది. దాదాపుగా 48 కోట్ల 47 లక్షల రూపాయిల షేర్ వసూళ్లను , 88 కోట్ల రూపాయలకు పైగా గ్రాస్ వసూళ్లను రాబట్టి, సంక్రాంతి సెకండ్ హైయెస్ట్ గ్రాసర్ గా నిల్చింది. విడుదలకు ముందు ఈ చిత్రానికి జరిగిన ప్రీ రిలీజ్ బిజినెస్ కేవలం 28 కోట్లు మాత్రమే. దాదాపుగా 20 కోట్ల రూపాయలకు పైగా లాభాలు వచ్చాయి. అదే సంక్రాంతికి విడుదలైన శర్వానంద్ ‘నారీ నారీ నడుమ మురారి’ కూడా బాక్స్ ఆఫీస్ వద్ద 20 కోట్ల రూపాయిల షేర్ వసూళ్లు , 38 కోట్ల రూపాయిల గ్రాస్ వసూళ్లను రాబట్టింది. 10 కోట్ల రూపాయిల ప్రీ రిలీజ్ బిసినెస్ జరుపుకున్న ఈ చిత్రానికి 10 కోట్ల రూపాయిల లాభాలు వచ్చాయి.
ఆ తర్వాత కొన్నేళ్లు సక్సెస్ లేక ఇబ్బంది పడిన టాలీవుడ్ కి సమంత ‘మా ఇంటి బంగారం’ రూపం లో లాభాల వర్షం కురిసింది అని చెప్పొచ్చు. రీసెంట్ గానే విడుదలై ట్రిపుల్ బ్లాక్ బస్టర్ గా నిల్చిన ఈ చిత్రానికి బాక్స్ ఆఫీస్ వద్ద ఇప్పటి వరకు 39 కోట్ల రూపాయలకు పైగా షేర్ వసూళ్లు , 80 కోట్ల రూపాయలకు పైగా గ్రాస్ వసూళ్లను రాబట్టింది. ఓవరాల్ గా బయ్యర్స్ కి ఇప్పటి వరకు 28 కోట్ల రూపాయిల లాభాలను తెచ్చిపెట్టింది ఈ చిత్రం , భవిష్యత్తులో ఈ సంఖ్య ఇంకా భారీగా పెరగొచ్చు. ఇక ‘పెద్ది’ చిత్రం విషయానికి వస్తే , కలెక్షన్స్ భారీ రేంజ్ లోనే వచ్చాయి కానీ, బ్రేక్ ఈవెన్ మార్కుని అందుకోవడం లో విఫలం అయ్యింది. అనేక ప్రాంతాల్లో భారీ నష్టాలను తెచ్చిపెట్టింది. 350 కోట్ల రూపాయలకు పైగా గ్రాస్ వసూళ్లు , 205 కోట్ల రూపాయలకు పైగా షేర్ వసూళ్లు వచ్చినప్పటికీ, ఇంకా 15 కోట్ల రూపాయిల షేర్ వసూళ్లను రాబడితే కానీ బ్రేక్ ఈవెన్ అవ్వని పరిస్థితి. ఇక కపుల్ ఫ్రెండ్లీ , విష్ణు విన్యాసం వంటి చిత్రాలు యావరేజ్ గా నిలిచాయి. ఇదే 2026 ఫస్ట్ హాఫ్ రిపోర్ట్.
