Priyamani
Priyamani: తెలుగు తమిళ భాషల్లో స్టార్ గా వెలుగొందింది ప్రియమణి. ఈ టాలెంటెడ్ యాక్ట్రెస్ నేషనల్ అవార్డు గెలుపొందింది. పరుత్తివీరన్ చిత్రంలో నటనకు జాతీయ అవార్డు వరించింది. తెలుగులో ఎన్టీఆర్, బాలకృష్ణ వంటి టాప్ స్టార్స్ తో జతకట్టింది. యమదొంగలో అమాయకురైనా జమిందారు వారసురాలు పాత్రలో మెప్పించింది. ఈ చిత్ర దర్శకుడు రాజమౌళి కావడం విశేషం. సోషియో ఫాంటసీ నేపథ్యంలో తెరకెక్కిన యమదొంగ మంచి విజయం సాధించింది.
ప్రస్తుతం ఆమె సెకండ్ ఇన్నింగ్స్ స్టార్ట్ చేశారు. హీరోయిన్ గా ఫేడ్ అవుట్ అయ్యాక క్యారెక్టర్ రోల్స్ చేస్తున్నారు. సౌత్, నార్త్ లో ప్రియమణి భారీ డిమాండ్ ఉంది. ది ఫ్యామిలీ మాన్ సిరీస్లో మనోజ్ బాజ్పాయ్ భార్య పాత్రలో ప్రియమణి మెప్పించింది. అటు బుల్లితెర మీద కూడా రాణిస్తున్నారు. పాపులర్ డాన్స్ రియాలిటీ షో ఢీ జడ్జిగా ఆమె వ్యవహరించారు.
కాగా ప్రియమణి కెరీర్ బిగినింగ్ నుండి ట్రోల్స్ కి గురవుతున్నారు. ఆమె కలర్, శరీరం మీద ఇప్పటికీ ట్రోల్స్ వస్తున్నాయని ఆమె ఆవేదన చెందారు. నేను ట్రోల్స్ పట్టించుకోను. నా జీవితం నీ ఇష్టం. నేను ఎవరితో జీవించాలనేది పూర్తిగా నా వ్యక్తిగతమని ప్రియమణి చెప్పుకొచ్చారు. ముస్తఫా రాజ్ ని వివాహం చేసుకోవడంతో ఆమెను కొందరు టార్గెట్ చేశారు. వేరే మతం వ్యక్తిని మీరు ఎందుకు వివాహం చేసుకుంటున్నారని ట్రోల్ చేశారట.
2017లో ప్రియమణి బిజినెస్ మాన్ ముస్తఫా రాజ్ ని వివాహం చేసుకున్నారు. అతడికి ప్రియమణితో రెండో వివాహం. మొదటి భార్యతో ఇప్పటికీ వివాదం నడుస్తుంది. ప్రియమణితో ఆయన వివాహం చెల్లదని భార్య ఆరోపిస్తుంది. ముస్తఫా రాజ్ ఎక్కువగా అమెరికాలో ఉంటారు. ఇండియాలో ప్రియమణి ప్రొఫెషన్ లో బిజీ. పెళ్ళై ఆరేళ్ళు అవుతున్నా పిల్లల్ని కనలేదు. ప్రస్తుతం ఆమె షారుక్ ఖాన్, నయనతార జంటగా నటిస్తున్న జవాన్ మూవీలో కీలక రోల్ చేస్తుంది. ఈ చిత్రానికి అట్లీ దర్శకుడు. అలాగే పలు తమిళ చిత్రాలు ఆమె చేతిలో ఉన్నాయి. ఇటీవల విడుదలైన కస్టడీ మూవీలో కీలక రోల్ చేసింది.
