Sai Pallavi: ప్రస్తుతం వరుస సూపర్ హిట్ చిత్రాలతో.. ఫుల్ ఫామ్లో దూసుకెళ్లిపోతోంది హీరోయిన్ సాయి పల్లవి. తన గ్లామర్, అద్భుతమైన నటనతో ఎంతో మంది ప్రేక్షకాభిమానాన్ని సొంతం చేసుకుంది ఈ మలయాలీ బ్యూటి. ముఖ్యంగా సాయి పల్లవి డాన్స్ను ఒక్కో సారి హీరోలు కూడా అందుకోవడం కష్టమే.. ఆ రేంజ్లో డాన్స్ చేస్తుంది సాయిపల్లవి. కాగా, తాజాగా సాయిపల్లవి చెల్లెలు పూజా కన్నన్ వెండితెరపై మెరిసేందుకు సిద్ధమవుతోంది. ఈ క్రమంలోనే గతంలో పూజా ఇండస్ట్రీ ఎంట్రీపై అనేక వార్తలు వచ్చాయి. తాజాగా, వాటిని నిజం చేస్తూ.. తన సినిమాకు సంబంధించిన అప్డేట్ను సోషల్మీడియా వేదికగా పంచుకుంది పూజా.
తమిళ దర్శకుడు సిల్వ తెరకెక్కిస్తోన్న చిత్తారాయి సెవ్వనం అనే కన్నడ సినిమాలో హీరోయిన్గా నటించింది పూజా. ఇటీవలే ఈ సినిమాకు సంబంధించిన పోస్టర్ను మేకర్స్ విడుదల చేశారు. ఇందులో ప్రముఖ నటుడు సముద్రఖని కీలక పాత్ర పోషించారు. ఈ సినిమాను థియేటర్లలో కాకుండా.. ఓటీటీలో విడుదల చేసేందుకు సిద్ధమయ్యారు మేకర్స్. ప్రముఖ ఓటీటీ ప్లాట్ఫామ్ జీ5లో డిసెంబరు 3న ఈ సినిమా విడుదల కానుంది. మరి అక్క సాయిపల్లవికి ఉన్న క్రేజ్ను పూజా కన్నన్ ఏ మేరకు సాధిస్తుందో తెలియాలి.
ఇటీవలే లవ్స్టోరీతో మంచి హిట్ కొట్టిన సాయిపల్లవి.. శ్యామ్సింగరాయ్తో మరోసారి పలకరించేందుకు సిద్ధమైంది. ఇందులో విభిన్న పాత్రలో నటిస్తోంది సాయిపల్లవి. దీంతో పాటు విరాట పర్వంలోనూ హీరోయిన్గా నటించింది. గతేడాదిలోనే ఈ సినిమా షూటింగ్ పూర్తి కాగా.. కరోనా కారణంగా విడుదల తేదీ వాయిదా పడుతూ వచ్చింది.
