హర్భజన్ సింగ్. ఈ పేరు తెలియని క్రికెట్ ఫ్యాన్స్ ఉండరు. భారత జట్టు టాప్ స్పిన్నర్గా రెండు దశాబ్దాల సుదీర్ఘ కెరీర్లో వందల వికెట్లు పడగొట్టాడు. గింగిరాలు తిరిగే బంతులతో ప్రత్యర్థి బ్యాట్స్మెన్ను వణికించాడు. ఎన్నో మ్యాచ్ల్లో ఒంటిచేత్తో భారత్కు విజయాలు అందించాడు. అయితే, కుర్రాళ్లతో పోటీ పడలేక జాతీయ జట్టుకు దూరమైన ఈ వెటరన్ ఆఫ్ స్పిన్నర్ ఐపీఎల్లో ఆడుతూ అభిమానులను అలరిస్తూనే ఉన్నాడు. 39 ఏళ్ల వయసులోనూ టీమిండియాలో రీఎంట్రీ ఇవ్వాలని చూస్తున్నాడు. బాలీవుడ్ నటి గీతా బస్రాను పెళ్లి చేసుకొని ఇప్పటికే తండ్రి కూడా అయ్యాడు.
క్రికెట్కు రిటైర్మెంట్ ప్రకటించకముందే భజ్జీ సెకండ్ ఇన్నింగ్స్ ప్రారంభించాడు. నటుడిగా కొత్త అవతారం ఎత్తాడు. అతను హీరోగా రూపొందుతున్న చిత్రం ‘ఫ్రెండ్ షిప్’. తమిళ బిగ్బాస్ ఫేమ్ లోస్లియా హీరోయిన్గా నటిస్తున్న ఈ మూవీలో యాక్షన్ కింగ్ అర్జున్ ఓ కీలక పాత్ర పోషిస్తున్నాడు. హిందీ, తమిళ్ సహా పలు భాషల్లో ఆగస్టులో విడుదల చేయనున్న ఈ చిత్రానికి జీన్ పాల్ రాజ్, శామ్ సూర్య దర్శకత్వం వహిస్తున్నారు. మూవీ మోషన్ పోస్టర్ను చిత్ర యూనిట్ విడుదల చేసింది. బ్యాగ్రౌండ్లో లైబ్రరీ హాల్ను చూపిస్తూ భజ్జీ, అర్జున్, లోస్లియా లుక్ రివీల్ చేశారు. ముగ్గురూ కాస్త సీరియస్గా కనిపిస్తున్నారు. మరి,క్రికెట్ ఫీల్డ్లో అదరగొట్టిన హర్భజన్ వెండితెరపై ఎలాంటి మ్యాజిక్ చేస్తాడో చూడాలి.
இடியும்,மின்னலும் ஆர்பரிக்க இதோ #சூப்பர்ஸ்டார் #தல #தளபதி #உலகநாயகன் கோட்டையில் நம்ம #FriendShipFirstLook #FriendShipMotionPosterhttps://t.co/cSKWBMo4qBhttps://t.co/Ul58aIwsw1@JPRJOHN1 @ImSaravanan_P @shamsuryastepup @JSKfilmcorp @akarjunofficial #Losliya @Cinemaass pic.twitter.com/4NUTysM9j4
— Harbhajan Turbanator (@harbhajan_singh) June 5, 2020