SSMB 29 Prithviraj Sukumaran’s ‘Kumbha’ Look: భారతీయ చలనచిత్ర పరిశ్రమ గర్వించదగ్గ దర్శకులలో రాజమౌళి ఒకరు. ‘బాహుబలి’ తర్వాత ప్రపంచవ్యాప్తంగా ఆయనకున్న క్రేజ్ అమాంతం పెరిగిపోయింది. ప్రస్తుతం ఆయన మహేష్ బాబుతో కలిసి చేస్తున్న భారీ ప్రాజెక్ట్ ‘ఎస్ఎస్ఎంబి 29’ (వర్కింగ్ టైటిల్) గురించి ప్రతి విషయం కూడా అభిమానుల్లో ఉత్సుకతను పెంచుతోంది.
Also Read: నేడే మహేష్,రాజమౌళి మూవీ ఫస్ట్ లుక్ రిలీజ్..కానీ మైండ్ బ్లాక్ అయ్యే ట్విస్ట్ ఏమిటంటే!
* పృథ్వీ రాజ్ ‘కుంభ’గా పరిచయం!
ఈ ప్రతిష్టాత్మక సినిమాలో మలయాళ స్టార్ హీరో పృథ్వీ రాజ్ సుకుమారన్ విలన్గా నటిస్తున్న విషయం తెలిసిందే. తాజాగా, రాజమౌళి అతని ఫస్ట్ లుక్ పోస్టర్ను విడుదల చేసి, పాత్ర స్వభావాన్ని వెల్లడించారు.
పృథ్వీ రాజ్ పోస్టర్లో వీల్ చైర్లో కూర్చొని కనిపించారు. అతను అద్భుతమైన శక్తులు కలిగి ఉన్న, కానీ శారీరక వైకల్యం కారణంగా వీల్ చైర్కు పరిమితమైన వ్యక్తిగా పాత్రలో కనిపిస్తున్నారు. పృథ్వీ రాజ్ పోషిస్తున్న ఈ విలన్ పాత్ర పేరు ‘కుంభ’. ‘కుంభ’ ఒక దుష్టశక్తిని తనలోకి నింపుకొని, దురహంకారంతో ప్రపంచంపై దండయాత్ర చేయబోయే క్రూరమైన, శక్తివంతమైన ప్రతినాయకుడిగా ఉండబోతున్నాడు.
రాజమౌళి ప్రశంసలు
పృథ్వీ రాజ్ సుకుమారన్ను పొగుడుతూ రాజమౌళి పోస్ట్ చేసిన వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి. “పృథ్వీతో మొదటి షాట్ తీసిన తర్వాత, నేను అతని దగ్గరకు వెళ్లి, ‘మీరు నాకు తెలిసిన అత్యుత్తమ నటుల్లో ఒకరు’ అని చెప్పాను. ఈ దుర్మార్గపు, దయలేని, శక్తివంతమైన ప్రతినాయకుడు కుంభకు ప్రాణం పోయడం సృజనాత్మకంగా చాలా సంతృప్తినిచ్చింది. మీరు అక్షరాలా అతని ‘కుర్చీలోకి జారుకున్నందుకు’ ధన్యవాదాలు పృథ్వీ.”
బడ్జెట్ అంచనాలు
దాదాపు 1300 కోట్ల బడ్జెట్తో తెరకెక్కుతున్న ఈ సినిమా, సుమారు 3000 కోట్లకు పైగా వసూళ్లు సాధిస్తుందని యావత్ ఇండియన్ సినిమా ప్రేక్షకులు అభిప్రాయపడుతున్నారు. రాజమౌళి ఇంతకుముందు ఎన్నడూ చేయని విధంగా ఈ సినిమాతో ఒక పెద్ద సాహసం చేస్తున్నట్టు తెలుస్తోంది.
మహేష్ బాబు ఫస్ట్ లుక్ ఎప్పుడంటే…
రాజమౌళి ఈ నెల 15వ తేదీన సినిమాకు సంబంధించిన ఒక పెద్ద ఈవెంట్ను నిర్వహించబోతున్నారు. ఈ ఈవెంట్లో మహేష్ బాబు ఫస్ట్ లుక్ పోస్టర్ మరియు సినిమా టైటిల్ను కూడా అధికారికంగా ప్రకటించబోతున్నట్టు తెలుస్తోంది. యావత్ భారతీయ సినీ అభిమానులు ఈ ప్రకటన కోసం ఆసక్తిగా ఎదురుచూస్తున్నారు.
After canning the first shot with Prithvi, I walked up to him and said you are one of the finest actors I’ve ever known.
Bringing life to this sinister, ruthless, powerful antagonist KUMBHA was creatively very satisfying.
Thank you Prithvi for slipping into his chair…… pic.twitter.com/E6OVBK1QUS
— rajamouli ss (@ssrajamouli) November 7, 2025
