Lenin 8 Days Box Office Collection: అక్కినేని అఖిల్ ‘లెనిన్’ చిత్రం రీసెంట్ గానే భారీ అంచనాల నడుమ విడుదలై కమర్షియల్ గా పెద్ద బ్లాక్ బస్టర్ అయ్యింది. కేవలం 3 రోజుల్లోనే బ్రేక్ ఈవెన్ మార్కుని అందుకోవడమే కాకుండా, అఖిల్ కెరీర్ లోనే హైయెస్ట్ గ్రాసర్ గా నిల్చింది. స్టడీ రన్ ని సొంతం చేసుకుంటూ ముందుకెళ్తున్న ఈ సినిమా , అప్పుడే బాక్స్ ఆఫీస్ వద్ద 8 రోజుల థియేట్రికల్ రన్ ని పూర్తి చేసుకుంది. ఈ 8 రోజుల్లో ఈ చిత్రానికి ప్రాంతాల వారీగా ఎంత వసూళ్లు వచ్చాయి ?, ఇప్పటి వరకు ఎంత లాభాలు వచ్చాయి అనేది ఒకసారి వివరంగా చూద్దాం. ట్రేడ్ విశ్లేషకులు అందిస్తున్న సమాచారం ప్రకారం ఈ చిత్రానికి 8 వ రోజున తెలుగు రాష్ట్రాల నుండి 1 కోటి రూపాయిల షేర్ వసూళ్లు వచ్చిందట.
8 రోజుల్లో వచ్చిన వసూళ్లను ఒకసారి పరిశీలిస్తే , నైజాం ప్రాంతం నుండి ఈ చిత్రానికి 11 కోట్ల రూపాయిల షేర్ వసూళ్లు రాగా, సీడెడ్ ప్రాంతం నుండి 3 కోట్ల 7 లక్షలు , ఉత్తరాంధ్ర ప్రాంతం నుండి 3 కోట్ల 30 లక్షలు వచ్చాయి. అదే విధంగా ఈస్ట్ గోదావరి నుండి 2 కోట్ల 15 లక్షల రూపాయిల షేర్ వసూళ్లను రాబట్టిన ఈ చిత్రం, వెస్ట్ గోదావరి నుండి 1 కోటి 37 లక్షలు, గుంటూరు నుండి 2 కోట్ల రూపాయిలు , కృష్ణా నుండి 1 కోటి 50 లక్షల రూపాయిల షేర్ వసూళ్లు వచ్చాయి. ఇక నెల్లూరు జిల్లా నుండి ఈ చిత్రానికి 97 లక్షల రూపాయిల షేర్ వసూళ్లు రాగా, నేటితో 1 కోటి రూపాయిల షేర్ మార్కుని అందుకోనుంది. ఓవరాల్ గా ఆంధ్ర ప్రదేశ్ , తెలంగాణ నుండి ఈ చిత్రానికి 25 కోట్ల 33 లక్షల రూపాయిల షేర్ వసూళ్లు , 42 కోట్ల 70 లక్షల రూపాయిల గ్రాస్ వసూళ్లు వచ్చాయి.
ఇక ఇతర ప్రాంతాల విషయానికి వస్తే కర్ణాటక నుండి 2 కోట్ల 20 లక్షల రూపాయిల షేర్ వసూళ్లు రాగా, ఓవర్సీస్ నుండి 3 కోట్ల 66 లక్షల రూపాయిల షేర్ వసూళ్లు వచ్చాయి. ఓవరాల్ గా ఈ చిత్రానికి 31 కోట్ల 19 లక్షల రూపాయిల షేర్ వసూళ్లు , 56 కోట్ల 70 లక్షల రూపాయిల గ్రాస్ వసూళ్లు వచ్చాయి. విడుదలకు ముందు 22 కోట్ల రూపాయిల ప్రీ రిలీజ్ థియేట్రికల్ బిజినెస్ జరగ్గా, ఇప్పటి వరకు 9 కోట్ల 15 లక్షల రూపాయిల లాభాలు వచ్చాయి. అయితే అక్కినేని ఫ్యాన్స్ ఈ సినిమా 100 కోట్ల గ్రాస్ వసూళ్లను రాబడుతుందని చాలా ఆశలు పెట్టుకున్నారు. కానీ రేంజ్ కి చేరడం కష్టమే. ప్రస్తుతం ఉన్న ట్రెండ్ ప్రకారం చూస్తే ఈ చిత్రానికి 75 నుండి 80 కోట్ల గ్రాస్ వసూళ్లు మాత్రమే రానుంది.
