ఏపీ కొత్త సీఎస్ ఆయనే.. జగన్ కీలక నిర్ణయం?

ఏపీ సీఎస్‌ పదవీ కాలం ముగియనున్న నేపథ్యంలో రాష్ట్ర కొత్త సిఎస్ ఎవరు? ముఖ్యమంత్రి ఎవరికి ఈ పదవి కట్టబెట్టనున్నారనే అంశాలు చర్చనీయంగా మారాయి. సీనియార్టీ ప్రకారం పలువురు అధికారులున్నా ప్రధానంగా ఇద్దరు మాత్రం రేసులో ఉన్నట్లు తెలుస్తోంది. అయితే, సీఎం ఎవరి వైపు మొగ్గు చూపుతారనేది సస్పెన్స్‌గా మారింది. ఏపీ సీఎస్ నీలం సాహ్ని పదవికాలం ఈ నెలఖరుకు ముగియునుంది.

ప్రస్తుత సీఎస్‌ నీలం సాహ్ని తరువాత సీనియారిటీ ప్రకారం చూస్తే అజయ్ సాహ్ని, సమీర్ శర్మ, రెడ్డి సుబ్రహ్మణ్యం, అభయ్ త్రిపాఠి, సతీష్ చంద్ర, జేఏస్వీ ప్రసాద్, నీరబ్ కూమార్ ప్రసాద్ ఉన్నారు. వీరిలో అజయ్ సాహ్ని, సమీర్ శర్మ, రెడ్డి సుభ్రమణ్యం కేంద్ర సర్వీసులో ఉన్నారు.

ఇక చంద్రబాబు హయాంలో సిఎస్ గా పని చేసిన సతీష్ చంద్రను మళ్లీ నియమించేందుకు సీఎం జగన్‌ సుముఖత వ్యక్తం చేయడం లేదని తెలుస్తోంది. మరో అధికారి నీరభ్ కూమార్ సర్వీస్‌ 2024 వరకు ఉండటంతో అప్పటివరకు సీఎస్‌గా ఉంచలేమని సీఎం భావిస్తున్నారని సమాచారం. దీంతో గతంలో జలవనరుల శాఖ ముఖ్యకార్యదర్శిగా పనిచేసిన ఆదిత్యనాథ్ దాస్ ఎంపిక దాదాపు ఖరారైనట్లు తెలుస్తోంది.

ప్ర‌స్తుతం సీఎస్ గా ఉన్న నీలం సాహ్ని ప‌ద‌వీకాలం ఇప్ప‌టికే ముగిసింది. రాష్ట్ర ప్ర‌భుత్వం విజ్ఞ‌ప్తి మేర‌కు ఆమెకు ఇప్ప‌టికే ప‌ద‌వీకాలాన్ని పొడిగించారు. ఇక కేంద్రం నుండి పొడిగింపు వ‌చ్చే అవ‌కాశం లేదు. మ‌రోవైపు రాష్ట్ర ప్ర‌భుత్వం కూడా నీలం సాహ్ని ప‌ద‌వీకాలాన్ని పొడిగించాల‌ని కోర‌లేదు. దీంతో కొత్త సీఎస్ క‌న్ఫామ్ అయ్యింది.

సీసీఎల్ఏగా వ‌చ్చిన వారే తుద‌ప‌రి సీఎస్ గా నియ‌మించ‌టం ఆన‌వాయితీగా ఉంది. పైగా ఆదిత్య‌నాథ్ దాస్ జ‌గ‌న్ కు స‌న్నిహిత అధికారుల్లో ఒక‌రిగా పేరుంది. గ‌తంలో వైఎస్ సీఎంగా ఉన్న హాయంలో ఎంతో కీల‌కంగా ఉన్న జ‌లయ‌జ్ఞం స‌మ‌యంలో భారీ నీటి పారుద‌ల శాఖ సెక్ర‌ట‌రీగా ప‌నిచేసిన ఆయ‌న‌పై జ‌గ‌న్ అక్ర‌మాస్తుల కేసులో నోటీసులు, విచార‌ణ కూడా జ‌రిగింది.