Ghaati New Release Date: ప్రముఖ దర్శకుడు క్రిష్ జాగర్లమూడి(Krish Jagarlamudi) ‘హరి హర వీరమల్లు'(Hari Hara Veeramallu) చిత్రాన్ని మధ్యలోనే వదిలేసి అనుష్క(Anushka Shetty) ని ప్రధాన పాత్రలో పెట్టి ‘ఘాటీ'(Ghaati Movie) అనే చిత్రాన్ని తెరకెక్కించిన సంగతి అందరికీ తెలిసిందే. పవన్ కళ్యాణ్(Deputy CM Pawan Kalyan) రాజకీయాల్లో బిజీ గా ఉండడం వల్ల కొన్నాళ్ల పాటు ‘హరి హర వీరమల్లు’ షూటింగ్ ఆగిపోయింది. ఈ గ్యాప్ లో క్రిష్ కి కొన్ని కమిట్మెంట్స్ రావడం వల్ల ‘ఘాటీ’ చిత్రానికి షిఫ్ట్ అవ్వాల్సి వచ్చింది. వేరే ఏ నిర్మాత అయినా ఇలా మధ్యలోనే వదిలేసి వెళ్ళిపోతే పెద్ద రచ్చ చేసేవారు. కానీ ‘హరి హర వీరమల్లు’ నిర్మాత AM రత్నం మాత్రం క్రిష్ ని నిందించలేదు. అతని పరిస్థితి అర్థం చేసుకున్నాడు. అయితే క్రిష్ కూడా ‘ఘాటీ ‘ చిత్రాన్ని చాలా కసితోనే తెరకెక్కించాడు. ఇప్పటి వరకు క్రిష్ ని మనం కేవలం సున్నితమైన అంశాలను తెరకెక్కించే దర్శకుడిగానే చూసాము.
Also Read: ప్రభాస్ అభిమానులకు చేదు వార్త..లోకేష్ తో సినిమా ఇక లేనట్టే..కారణం ఏమిటంటే!
కానీ ఘాటీ చిత్రం తో ఆయన తనలోని కొత్త కోణాన్ని ఆవిష్కరించాడు. అది టీజర్ తోనే నిరూపణ అయ్యింది. అనుష్క ఇప్పటి వరకు ఎన్నో లేడీ ఓరియెంటెడ్ సినిమాలు చేసింది. సూపర్ హిట్స్ ని కూడా అందుకుంది. కానీ ఆమెని ఏ డైరెక్టర్ కూడా ఇంత వయొలెంట్ గా చూపించలేకపోయారు. కేవలం క్రిష్ మాత్రమే అలాంటి ప్రయోగానికి తెరలేపాడు. అయితే ఈ చిత్రాన్ని ఏప్రిల్ నెలలో విడుదల చెయ్యాలని అనుకున్నారు, కానీ కుదర్లేదు. జులై 11 వ తేదికి వాయిదా పడింది. అయితే ఇప్పుడు ఆ తేదీన కూడా ఈ సినిమా విడుదల అవ్వడం లేదట. వాయిదా పడినట్టు విశ్వసనీయ వర్గాల నుండి అందుతున్న సమాచారం. VFX వర్క్ చాలా వరకు బ్యాలన్స్ ఉండడం తో ఈ చిత్రాన్ని వాయిదా వేయాలనే నిర్ణయం తీసుకున్నారట. ‘హరి హర వీరమల్లు’ లాంటి పీరియడ్ చిత్రాలకు VFX సమస్య వల్ల వాయిదా పడింది అంటే అర్థం ఉంది,కానీ ఇలాంటి మామూలు సినిమాలకు కూడా VFX వర్క్ కారణంగా వాయిదా పడడం ఏంటో విడ్డూరంగా ఉందంటూ సోషల్ మీడియా లో నెటిజెన్స్ కామెంట్స్ చేస్తున్నారు.
ఈ సినిమా 11 న వాయిదా పడితే మళ్ళీ ఈ నెలలో విడుదల చేసుకునే అవకాశం ఉండదు. ఎందుకంటే జులై 24 న హరి హర వీరమల్లు చిత్రం విడుదల కాబోతుంది. ఆ తర్వాత ఆగష్టు 1 న కింగ్డమ్ విడుదల లేకుంటే ఈ చిత్రాన్ని ఆ తేదీన విడుదల చేసే అవకాశం ఉంటుంది. ఒకవేళ కింగ్డమ్ విడుదల ఉంటే ఆగష్టు నెలాఖరునే ఈ చిత్రాన్ని విడుదల చేసుకోవాలి. అదొక్కటే చివరి ఛాయస్. ఎందుకంటే ఆగష్టు 14 న ‘వార్ 2’ మరియు ‘కూలీ’ లాంటి భారీ బడ్జెట్ పాన్ ఇండియన్ సినిమాలు విడుదల కాబోతున్నాయి. చూడాలి మరి రాబోయే రోజుల్లో ‘ఘాటీ’ పరిస్థితి ఏంటో అనేది.
