Mahesh: సూపర్ స్టార్ మహేశ్బాబు హీరోగా కీర్తి సురేశ్ హీరోయిన్గా తెరకెక్కుతోన్న సినిమా సర్కారు వారి పాట. దర్శకుడు పరశురామ్ తెరకెక్కిస్తోన్న ఈ భారీ ప్రాజెక్టు తర్వాత.. మహేశ్ మాటల మాంత్రికుడు త్రివిక్రమ్తో కలిసి సినిమ చేసేందుకు సిద్ధమయ్యారు. ఇటీవల ఇందుకు సంబంధించిన అప్డేట్ కూడా ఇచ్చింది చిత్రబృందం. త్వరలోనే వీరిద్దరి కాంబినేషన్లో సినిమా పట్టాలెక్కనున్నట్లు ప్రకటించింది. దీంతో, మహేశ్ అభిమానుల్లో ఉత్సాహం నెలకొంది.
మంచి యాక్షన్ డ్రామా నేపథ్యంల పాన్ ఇండియా లెవెల్లో ఈ సినిమా తెరకెక్కనున్నట్లు తెలుస్తోంది. అయితే, ఈ సినిమాపై తాజాగా మరో వార్త ఇండస్ట్రీలో వినిపిస్తోంది. ఈ సినిమాకు సంబంధించిన ప్రీ ప్రొడక్షన్ పనులు డిసెంబరు చివరి నాటికి పూర్తి కానున్నాయని సమాచారం. ప్రస్తుతం సర్కారు వారి పాటలో ఫుల్ బిజీగా ఉన్న మహేశ్.. ఆ సమయానికి షూటింగ్ కంప్లీట్ చేసుకుని.. త్రివిక్రమ్తో చేయబోయే సినిమా షూటింగ్లో పాల్గొననున్నట్లు తెలుస్తోంది. కాగా, ఈ సినిమాలో పూజా హెగ్డే హీరోయిన్గా కనిపించనుంది. థమన్ సంగీతం అందిస్తున్నారు.
మరోవైపు, భీమ్లానాయక్ సినిమాకు త్రివిక్రమ్ మాటలు అందిస్తున్న సంగతి తెలిసిందే. ఇటీవలే ఆయన రాసిన లాలా భీమ్లా పాట నెట్టింట వైరల్గా మారింది. ఆయన పుట్టినరోజు సందర్భంగా ఈ పాటను విడుదల చేసింది చిత్రబృందం. కాగా, సర్కారు వారి పాటతో ఫుల్ బిజీగా ఉన్నారు మహేశ్. వచ్చే ఏడాది ఎప్రిల్ 1న ఈ సినిమా విడుదలకు సిద్ధమైంది. మరి ఖలేజా సినిమా తర్వాత మళ్లీ తిరిగి వీరిద్దరి కాంబినేషన్లో రానున్న ఈ సినిమా ప్రేక్షకులను ఎలా ఆకట్టుకుంటుందో చూడాలి.