Chiranjeevi: అక్కినేని అఖిల్ ‘లెనిన్’ చిత్రం రీసెంట్ గానే భారీ అంచనాల నడుమ విడుదలై మొదటి ఆట నుండే సెన్సేషనల్ రెస్పాన్స్ ని సొంతం చేసుకొని , బాక్స్ ఆఫీస్ వద్ద దూసుకుపోతున్న సంగతి తెలిసిందే. ఓపెనింగ్ వసూళ్లు ఎవ్వరూ ఊహించని రేంజ్ లో వచ్చాయి, అదే ఊపుని ఈ చిత్రం వీకెండ్ వరకు కొనసాగించి సెన్సేషన్ సృష్టించింది. కేవలం 3 రోజుల్లోనే బ్రేక్ ఈవెన్ మార్కుని అందుకొని లాభాల్లోకి అడుగుపెట్టిన ఈ సినిమా, ఫుల్ రన్ లో కచ్చితంగా 40 కోట్ల రూపాయలకు పైగా షేర్ వసూళ్లను రాబడుతుందని బలమైన నమ్మకం వ్యక్తం చేస్తున్నారు ట్రేడ్ విశ్లేషకులు. అయితే ఈ సినిమా విజయంపై కాసేపటి క్రితమే మెగాస్టార్ చిరంజీవి ఒక ట్వీట్ వేశారు. ఈ ట్వీట్ లో అక్కినేని అఖిల్ పై ఆయనకు ఉన్న ప్రేమ స్పష్టంగా కనిపిస్తోంది.
చిరంజీవి మాట్లాడుతూ ‘ లెనిన్ మూవీ గురించి చాలా అద్భుతమైన విషయాలను వింటున్నాను. ముఖ్యంగా అఖిల్ పెర్ఫార్మన్స్ ని అందరూ ఒక రేంజ్ లో మెచ్చుకుంటున్నారు. అఖిల్ నా మనసుకి బాగా దగ్గరైన వాడు , నాకు మరో కొడుకు లాంటోడు , సినిమా సినిమాకు అతను ఎదుగుతున్న తీరుని చూస్తే నాకు ఎంతో ఆనందంగా ఉంది. ముఖ్యంగా నా స్నేహితుడు నాగార్జున కి , మూవీ టీం కి శుభాకాంక్షలు తెలియచేస్తున్నాను. త్వరలోనే లెనిన్ చిత్రాన్ని చూడబోతున్నాను. ఈ సినిమా రాబోయే రోజుల్లో ఇంకా పెద్ద రేంజ్ కి వెళ్లాలని కోరుకుంటున్నాను’ అంటూ చిరంజీవి మాట్లాడిన మాటలు ఇప్పుడు సోషల్ మీడియా లో బాగా వైరల్ అయ్యింది. దీనికి నాగార్జున రెస్పాన్స్ ఇస్తూ ‘ధన్యవాదాలు చిరంజీవి గారు. మీరు నాపై , మా కుటుంబం పై ఎల్లపుడు చూపించే అభిమానం , సపోర్ట్ మరువలేనిది, ఈ సినిమాని చూడండి, కచ్చితంగా మీకు బాగా నచ్చుతుంది’ అంటూ నాగార్జున రిప్లై ఇచ్చారు.
వీళ్లిద్దరి మధ్య ఈ రిలేషన్ ని చూసి ఇప్పుడు సోషల్ మీడియా లో మెగా , అక్కినేని అభిమానులు ఎంతగానో మురిసిపోతున్నారు. చిరంజీవి , నాగార్జున మధ్య ఈ బంధం ఈనాటిది కాదు , ఎన్నో దశాబ్దాల నుండి వీళ్లిద్దరు అన్నదమ్ములు లాగానే కలిసి మెలిసి ఉంటున్నారు. ఎన్నో సందర్భాల్లో చిరంజీవి అక్కినేని ఈవెంట్స్ కి వచ్చారు. నాగార్జున గత చిత్రం ‘కుబేర’ సక్సెస్ మీట్ కి కూడా చిరంజీవి ముఖ్య అతిథిగా పాల్గొని , ఆ సినిమా విజయం పై తన ఆనందాన్ని పంచుకున్నారు. ఇప్పుడు అక్కినేని అఖిల్ ‘లెనిన్’ పైన కూడా తన ఆనందాన్ని అదే స్థాయిలో పంచుకున్నారు. ఈ సినిమా చూసిన తర్వాత విజయోత్సవ సభకు చిరంజీవి ముఖ్య అతిథిగా వస్తారో లేదో చూడాలి.
Hearing wonderful things about #Lenin. Delighted by the unanimous appreciation, especially for @AkhilAkkineni8’s performance. Akhil is very dear to me, like another son and it’s a joy to see him grow with every film.
Congratulations to my dear friend @iamnagarjuna, the entire…
— Chiranjeevi Konidela (@KChiruTweets) July 13, 2026
