Bigg Boss Telugu 8(219)
Bigg Boss Telugu 8: ఈ సీజన్ వైల్డ్ కార్డు కంటెస్టెంట్ గా అడుగుపెట్టిన గౌతమ్, టైటిల్ రేస్ లోకి దూసుకొస్తాడని ఆయన అభిమానులు కూడా ఊహించి ఉండరు. మొదటి వారం ఆయన నామినేషన్స్ లోకి వచ్చినప్పుడు, సోషల్ మీడియా లో జరిగిన పోల్స్ లో అందరికంటే చివరి స్థానంలో ఉండేవాడు. గత సీజన్ లో 13 వారాలు హౌస్ లో కొనసాగిన కంటెస్టెంట్ కి ఇంత తక్కువ ఓటింగ్ పడుతుందేంటీ అని అందరూ ఆశ్చర్యపోయారు. కానీ అదే వారం ఆయనకీ మెగా చీఫ్ టాస్క్ ఆడే అవకాశం వచ్చింది. ఒక్కడే 12 మంది కంటెస్టెంట్స్ ని ఓడించి మెగా చీఫ్ అయ్యాడు. ఆ ఒక్క టాస్క్ గౌతమ్ ఓటింగ్ గ్రాఫ్ ని మార్చేసింది. చివరి స్థానం లో ఉన్న అతన్ని టాప్ 2 స్థానం కి రీచ్ అయ్యేలా చేసింది. అయితే ఎందుకో ఆ వారం హౌస్ లో గౌతమ్ ఎలిమినేట్ అయ్యినట్టు, మణికంఠ సేవ్ అయ్యినట్టు, మణికంఠ సెల్ఫ్ ఎలిమినేట్ చేసుకోవడం వల్లే గౌతమ్ ఈరోజు హౌస్ లో ఉన్నట్టు కావాలని ఉద్దేశపూర్వకంగా చూపించినట్టు ఆడియన్స్ కి అనిపించింది.
ఎందుకంటే ఆ వారం అంత అద్భుతంగా ఆడిన వ్యక్తికి ఓట్లు పడకుండా ఎలా ఉంటుంది?, ఎందుకు ఎలిమినేట్ అవ్వాల్సి వస్తుంది..?, బాగా అలోచించి చూస్తే గౌతమ్ లో ఫైర్ పెంచి అతన్ని అద్భుతంగా ఆడేలా చేయడానికే బిగ్ బాస్ ఈ నిర్ణయం తీసుకున్నాడని అనుకుంటున్నారు నెటిజెన్స్. ఎందుకంటే గౌతమ్ గేమ్ అప్పట్లో చిన్నగా గాడి తప్పుతూ ఉన్నింది. గేమ్ మీద ఫోకస్ తగ్గించి యష్మీ చుట్టూ తిరుగుతుండేవాడు. ఎప్పుడైతే బిగ్ బాస్ ఈ స్ట్రోక్ ఇచ్చాడో, అప్పటి నుండి గౌతమ్ తన గేమ్ మొత్తాన్ని మార్చేసుకున్నాడు. ఇతర కంటెస్టెంట్స్ లాగ అతి చెయ్యడం, సానుభూతి డ్రామాలు వేయడం, గ్రూప్ గేమ్స్ ఆడడం, ఒక వ్యక్తి గురించి వెనుక చేరి తప్పుగా మాట్లాడడం, ఇలాంటివి ఏమి చేయలేదు. ఒక జెంటిల్ మ్యాన్ గా, పూర్తి ఫోకస్ తో, సోలో బాయ్ గా తన గేమ్ ని ఆడుకుంటూ ముందుకు దూసుకుపోతున్నాడు. ఇది కొంతమంది కంటెస్టెంట్స్ కి అసలు నచ్చడం లేదు.
ముఖ్యంగా యష్మీ గౌతమ్ తుమ్మినా, దగ్గినా తప్పు లాగానే చూస్తుంది. గౌతమ్ కి ఎక్కువగా పంచెలు కట్టుకోవడం, ఎర్ర తువ్వాలు తలకి చుట్టుకోవడం బాగా అలవాటు. గత సీజన్ లో కూడా ఆయన ఇలాంటివి చేసాడు. అయితే యష్మీ ఇది కేవలం పవన్ కళ్యాణ్ అభిమానుల ఓట్ల కోసమే కెమెరాలకు కనిపించేట్టు చేస్తున్నాడని నభీల్ తో అంటుంది. వాస్తవానికి గౌతమ్ పవన్ కళ్యాణ్ కి వీరాభిమానియే. ఎన్నో సందర్భాలలో ఆయన ఈ విషయాన్ని చెప్పుకొచ్చాడు. ఒకవేళ పవన్ కళ్యాణ్ స్వాగ్, స్టైల్ ని అనుసరించడంలో తప్పేమి ఉంది?, ఎవరి గేమ్ ప్లాన్ వాళ్లదే కదా?, అతను బిగ్ బాస్ రూల్స్ ఏమి బ్రేక్ చేయడం లేదు, తన సొంత ఆట ఆడుకుంటున్నాడు. హౌస్ లో నామినేషన్స్ గురించి మాట్లాడుకోవడమే బిగ్ బాస్ రూల్స్ కి విరుద్ధం. అలాంటిది యష్మీ , పృథ్వీ, నిఖిల్, ప్రేరణ, నభీల్, విష్ణు ప్రియ, అవినాష్, రోహిణి, తేజ వీళ్లంతా నామినేషన్స్ గురించి గ్రూప్స్ గా మాట్లాడుకుంటూ టార్గెట్ చేసి వేస్తున్నారు. గౌతమ్ అలాంటిదేమి చేయలేదే?, తనకి నచ్చినట్టు ఉంటున్నాడు, అందులో తప్పేమి ఉంది అంటూ సోషల్ మీడియా లో నెటిజెన్స్ మాట్లాడుకుంటున్నారు.