Bigg Boss 7 Telugu: బిగ్ బాస్ బుల్లితెర ప్రేక్షకుల హాట్ ఫేవరేట్ షోగా ఉంది. తెలుగులో 2017 నుండి ప్రసారం అవుతున్న బిగ్ బాస్ సక్సెస్ఫుల్ గా ఆరు సీజన్స్ కంప్లీట్ చేసుకుంది. తాజాగా సీజన్ 7కి రంగం సిద్ధమైంది. బిగ్ బాస్ తెలుగు 7 గ్రాండ్ లాంచ్ కి డేట్ కూడా ఫిక్స్ చేశారు. హోస్ట్ నాగార్జునతో కూడిన ప్రోమోతో విడుదల చేశారు. సెప్టెంబర్ 3న బిగ్ బాస్ తెలుగు 7 ఫస్ట్ ఎపిసోడ్ ప్రసారం కానుంది. మరి గ్రాండ్ లాంచ్ ఎపిసోడ్ అంటే ఎంత సందడిగా ఉంటుందో తెలిసిందే. ఒక్కొక్కరిగా పరిచయమయ్యే కంటెస్టెంట్స్ ఆసక్తిరేపుతారు. ఉత్కంఠకు తెరదించుతారు.
సెలబ్రిటీ ఎంట్రీలు, అందమైన భామల డాన్స్ పెర్ఫార్మన్స్ లతో అదిరిపోతుంది. బిగ్ బాస్ లాంచింగ్ ఎపిసోడ్ భారీ టీఆర్పీ రాబడుతుంది. నాలుగు గంటల పాటు సాగే లాంచింగ్ ఈవెంట్ కోసం ప్రేక్షకులు టీవీలకు అతుక్కుపోతారు. ఇక సీజన్ 6 అంతగా సక్సెస్ కాలేదు. దీంతో కంటెస్టెంట్స్ ఎంపిక విషయంలో చాలా జాగ్రత్త వహించారని సమాచారం. బిగ్ బాస్ లేటెస్ట్ సీజన్ కంటెస్టెంట్స్ వీరే అంటూ కొన్ని పేర్లు తెరపైకి వచ్చాయి.
ఈటీవీ ప్రభాకర్, సింగర్ మోహన భోగరాజు, జబర్దస్త్ కెవ్వు కార్తీక్, సీరియల్ కపుల్ అమర్ దీప్ చౌదరి, తేజస్విని, సురేఖావాణి కొందరు సెలబ్రిటీల పేర్లు హల్చల్ చేస్తున్నాయి. దీనిపై సెప్టెంబర్ 3న స్పష్టత రానుంది. ఇక వరుసగా ఏడో సీజన్ కి కూడా నాగార్జున హోస్ట్ గా వ్యవహరిస్తున్నారు. గత సీజన్ లో విమర్శలు ఎదుర్కొన్న నాగార్జున ఇకపై హోస్టింగ్ చేయరని ఊహాగానాలు వినిపించాయి. అయితే మేకర్స్ నాగార్జుననే నమ్మారు. ఇది ఆయనకు హోస్ట్ గా 5వ సీజన్ కావడం విశేషం.
రానా, బాలకృష్ణతో పాటు ఒకరిద్దరు స్టార్స్ ని సంప్రదించినా వారు చేయలేదని కూడా ఓ వాదన ఉంది. ఇక గత ఆరు సీజన్స్ విజేతలను చూసుకుంటే అందరూ అబ్బాయిలే. శివ బాలాజీ, కౌశల్, రాహుల్ సిప్లిగంజ్, అభిజీత్, వీజే సన్నీ, రేవంత్ బిగ్ బాస్ టైటిల్ అందుకున్నారు. సింగర్ గీతా మాధురి, శ్రీముఖి రన్నర్స్ గా మిగిలారు. మరి ఈ సీజన్లో అయినా అమ్మాయి బిగ్ బాస్ టైటిల్ విన్నర్ అవుతుందేమో చూడాలి.
Gear up for a Bigg Boss revolution! It's not a conclusion, but an electrifying new chapter that will flip your perceptions "Ulta Pulta" with the ever-charming @iamnagarjuna .Are you intrigued? Excited? The grand launch is on September 3rd.#BiggBossTelugu7, exclusively on #StarMaa pic.twitter.com/zaUGvJcIpf
— Starmaa (@StarMaa) August 20, 2023
